Je 16:9 - Sơ̆p Hlabơar Nơ̆r 'Bok Kei-Dei

⁹ 'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Je 16:9 Iomraidhean Croise

Horiso 78:63

Ŭnh sa lu kon tơdăm lu sư. Păng kon adruh lu sư ưh pă đei bu iŏk oei.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Êsêkiên 12:25

Yua kơ Inh boih Kră Yang, Inh gô pơma păng nơ̆r Inh pơma gô jing, ưh pă gơh lê̆ đunh. Ơ lu adrĕch ayăt 'maih tơblah plơ̆! Noh trŏ kơ năr lu iĕm, Inh khan hăm nơ̆r Inh sư gô pơsĭt, Kră Yang khan thoi noh.’ ”

Êsêkiên 26:13

Inh gô pơm kơ nơ̆r hơri ih kơtĕch, đe ưh pă kơtơ̆ng re brŏ dung ih dơ̆ng.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.