Je 16:5 - Sơ̆p Hlabơar Nơ̆r 'Bok Kei-Dei

⁵ “Kră Yang khan: Ih 'nĕ kơ mơ̆t tơ lăm hnam lôch; ih 'nĕ kơ năm ngôi hơpong păng kư̆m 'nĕ kơ pơlung lu sư; yua kơ Inh pơdrâu lê̆ boih tơdrong hiôk tơdrong 'mêm mơnat Inh đơ̆ng kon pơlei âu.” Noh Kră Yang khan.

Je 16:5 Iomraidhean Croise

Horiso 25:6

Ơ Kră Yang, apinh Ih 'blŏk kơ jơhngơ̆m mơnat păng tơdrong 'mêm Ih; Yua kơ 'bar tơdrong noh đei boih đơ̆ng sơ̆.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 16:13

Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

Nhom 3:17

Sư pơm kơ bơhngol inh ataih đơ̆ng tơdrong hiôk-hian, Inh hiơt đĭ boih tơdrong pŭn hiôk.

Sa 8:10

Yua kơ tơbăt lê̆ adrol kơ lu năr noh đe ưh kơ apah ôh dôm tơdrong kon bơngai jang lu kon sem dơrong jang; păng yua kơ lu ayăt, na ưh kơ đei tơdrong hiôk rơnŭk kơ lu bơngai lĕch dah lu bơngai mơ̆t; yua kơ Inh đei pơm ăn boih kơ kon bơngai rim 'nu tơblah tơduă hăm lu rông 'bôt sư kơdih.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Tơdrông Tơ'bôh 6:4

Na bơngai hao aseh 'brê ei năm tơ sư. 'Bok Kei-Dei pơjao ăn kơ bơngai ei pơgơ̆r tơdrong gleh pơmat-tat jơ̆p kơ teh đak, wă kơ kon bơngai pơlôch dih băl. Na đe ăn kơ bơngai hao aseh 'brê ei minh hlak đao tih.