Je 16:4 - Sơ̆p Hlabơar Nơ̆r 'Bok Kei-Dei

⁴ “Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 16:4 Iomraidhean Croise

II Pot 9:10

Kŏ gô sa akâu yă Jêsebel lăm char glă Jêsreel, ưh kơ đei bu 'bŭ sư.” Na bơngai tơdăm ei pơih 'măng păng kơdâu weh hloi.

Horiso 78:64

Lu 'bok soi sư pơ̆k lôch yua kơ đao hơlă, mă-lei lu drŏ-kăn adro pă đei hmoi.

Horiso 83:10

Đe pơlôch lu sư tơ Endôr, jing pơm mơ̆r kơ teh.

Êsai 18:6

Đe gô tŭk lê̆ lu sư ăn kơ sem păr tơ lăm kông sa, păng ăn kơ sem bri tơ ala teh sa, lu sem păr gô sa lu sư lăm bơyan phang păng lu sem bri brah gô sa lăm bơyan tơngiĕt.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Je 21:6

Inh gô pơlôch pơrăm lu bơngai oei lăm pơlei âu, kon bơngai păng đĭ lu sem dơrong gô lôch kơ toi hơbuh krưp tơpă.

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Je 34:20

Inh jao lu sư tơ lăm ti lu bơngai ayăt kơ lu sư, lu bơngai 'maih wă pơlôch pơrăm lu sư. Atâu akâu lu sư lôch gô ăn kơ sem grơ̆ păng sem bri sa.

Je 36:30

Thoi noh na 'nâu nơ̆r Kră Yang khan gah Jêhôiakim, pơtao đe Juđa: Kon sâu sư ưh kơ đei bu hơ-oei 'bơ̆t tang-dŏ pơtao Đawit; akâu atâu sư lôch đe gô klơ̆m lê̆ tơ 'nguaih sơ̆k tơtŏ kơ'năr păng lê̆ tơtŭk tơngiĕt kơmăng.

Je 44:12

Inh gô pơrăm lu kon pơlei bơngai Juđa oei oei, mă năm boih tơ char Êyiptơ păng oei tơ noh; lu sư gô lôch đĭ tơ noh lu sư gô lôch kơ đao gưm pơngot rơwĕt tih, lăm dêh Êyiptơ. Lu pơm tih pơm iĕ gô lôch đĭ kơ đao gưm pơngot rơwĕt; pơm kơ đe blei hiap, che bơle hiĕk achơ̆, đe lăng 'brơ̆ krưp.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Je 7:33

Akâu kon pơlei lôch jing tơmam sa kơ lu sem păr păng lu sem bri brah; ưh kơ đei bu puh lu sư.

Je 9:22

Kră Yang khan thoi âu: “Akâu lu bơngai lôch pơ̆k boih tơ lăm chŭn, thoi đe tuh mơ̆r kơ teh, thoi hơie 'ba huŏng đơ̆ng rŏng kơ đe yuă, ưh kơ đei bu wă dônh akŭm lu sư.”

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:26

Akâu lôch lu iĕm gô pơm tơmam sa ăn kơ lu sem păr kơpal plĕnh păng ăn kơ lu sem bri lăm teh sa, ưh kơ đei bơngai bu pơpuh lê̆ lu sư weh.