Je 15:8 - Sơ̆p Hlabơar Nơ̆r 'Bok Kei-Dei

⁸ Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Je 15:8 Iomraidhean Croise

Êsai 3:25

Lu bơngai tơdăm ih gô pơ̆k kơ đao gưm, lu bơngai nuih kơtang ih gô lôch lăm tơdrong tơblah.

Êsai 3:26

Lu 'măng jang pơlei gô nhơ̆m hmoi, ơh sơ'ngon; thoi bơngai hơ-oei kơpal teh răm rai.

Êsai 4:1

Lăm năr noh tơpơh 'nu drŏ-kăn gô rôp pơkơ̆ng minh 'nu drŏ-nglo păng pơma khan: “Lu nhôn sŏng sa tơmam nhôn kơdih. Păng hrŭk hơbĕn ao nhôn kơdih; apinh ăn kơ đe krao nhôn anăn Ih; sŭt lê̆ lu tơdrong mơlâu lu nhôn.”

Je 16:3

Yua kơ Kră Yang khan gah lu kon drŏ-nglo kon drŏ-kăn mă tơpŭ tơ lăm dêh char âu păng kư̆m khan gah kơ lu mĕ 'bă mă tơpŭ kơ lu sư lăm char âu:

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Je 22:7

Inh gô wơh lu linh năm pơrăm ih, lu sư chĕp sung tơgăk; lu sư gô ret lê̆ hơpok tơpơng 'lơ̆ng mă lu ih đei rơih, păng klơ̆m lê̆ lăm ŭnh.

Je 4:16

Roi tơbăt bĕ kơ rim dêh char! Roi ăn kơ pơlei Jêrusalem băt: Lu bơngai ayăt đơ̆ng tơring ataih truh boih wang tăp dăr Lu sư jreo tơkĕch wă tơblah hăm lu pơlei Juđa.

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Nhom 5:3

Lu nhôn jing mơti 'bă. Mĕ lu nhôn jing adro po.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.