Je 15:6 - Sơ̆p Hlabơar Nơ̆r 'Bok Kei-Dei

⁶ Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 15:6 Iomraidhean Croise

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 28:13

Na nơ̆r Kră Yang pơma kơ lu sư: Pơm păng pơm bĕ, pơm păng pơm dơ̆ng, tơdrong juăt 'nâu tơdrong juăt noh Tŏ sĕt tơ âu, tŏ sĕt tơ to, wă lu sư yak truh pơ̆k hraih đang, păng jĭ rơka, 'leh hơđong păng đe rôp ba!

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Je 1:16

Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 13:14

Inh gô hơtŭt lu sư, lu sư pơchah hơtŭt băl kon drŏ-nglo hăm 'bă sư, Inh ưh pă pơdơh ti, pă mơnat, ưh pă 'mêm kơ lu sư, kơplah Inh pơrăm lu sư.”

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 20:9

Tơdah inh khan: “Inh ưh pă pơma roi gah nơ̆r Sư boih, inh ưh pă đei yua anăn Sư na pơma roi dơ̆ng,” nơ̆r Sư lăm jơhngơ̆m inh thoi ŭnh soh chhông, Nơ̆r Sư chĭt lê̆ lăm kơting inh, na jơhngơ̆m inh rơmơ̆n lap, ưh pă kĕ ĕnh boih.’

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Je 6:12

Hnam lu sư gô jao kơ đe nai; Hơdai hăm mir pơgar păng akăn lu sư hai. Kơplah Inh gô yơ̆r ti, phak lu kon pơlei lăm dêh 'nâu,” Kră Yang khan thoi noh.

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Je 7:16

Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Êsêkiên 25:7

na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Hôsia 4:16

Lu bơngai Isơrael kơchu thoi rơmo akăn kơchu, na thoi yơ Kră Yang wă 'me rong lu sư thoi kon triu lăm tơmăn 'nhĕt să.

Jêphania 1:4

“Inh gô yơ̆r ti pơm kơ Juđa păng đĭ-đăng kon pơlei oei lăm Jêrusalem; Inh gô tơhiong pơgoh lu yang Baal mă oei oei, dôm lu thây tơm păng 'bok soi lu sư đơ̆ng anih 'nâu.

Sa 7:11

Mă-lei lu sư ưh kơ wă mơ̆ng, tơwih rŏng păng chĭt lê̆ đon kuă kơ mơ̆ng.