Je 14:7 - Sơ̆p Hlabơar Nơ̆r 'Bok Kei-Dei

⁷ Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 14:7 Iomraidhean Croise

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Horiso 115:1

Ưh kơ trŏ kơ lu nhôn, ơ Kră Yang, ưh kơ trŏ kơ lu nhôn. Mă-lei trŏ kơ ư-ang kơ Ih. Yua kơ tơdrong 'mêm mơnat păng tơdrong 'lơ̆ng tơpăt Ih.

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

Horiso 79:9

Ơ Kră Yang 'Bok Kei-Dei Tơ'ngla dŏng pơklaih nhôn, yua kơ wă ư-ang anăn Ih apinh Ih tơgŭm nhôn. Yua kơ anăn Ih, apinh Ih dŏng pơklaih lu nhôn, păng mơnat ăn kơ tơdrong yoch lu nhôn.

Êsai 48:11

Noh yua kơ Inh, yua kơ kơdih Inh na Inh pơm tơdrong 'nâu, yua kơ kiơ Inh lê̆ anăn Inh đe pơjăm pơjuă ngôi? Inh gô ưh kơ ăn tơdrong ư-ang Inh kơ bu nai ôh.

Êsai 59:12

Tơdrong yoch lu nhôn pơm rai lơ 'bơ̆t anăp Ih. Tơdrong yoch lu nhôn roi pơdah, ayăt hăm lu nhôn. Tơdrong yoch kơnê̆ lu nhôn oei oei hăm lu nhôn, păng lu nhôn băt tơdrong yoch kơnê̆ lu nhôn.

Je 10:19

Răm-'băm dêh kơ inh yua kơ inh jĭ rơka! Rơka inh ưh kơ gơh klaih. Inh khan: “'Nâu lăp tơdrong jĭ đĕch, na inh athei pŭ tơdrong noh.”

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 3:6

Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Je 5:25

Tơdrong kơnê̆ lu iĕm pơm boih kơ lu iĕm pă đei tơdrong âu; Tơdrong yoch lu iĕm găn boih tơdrong pŭn hiôk 'mi prăng truh tơ lu iĕm.

Je 5:6

Lei na dăm-brang lĕch đơ̆ng bri năm châu sa lu sư, kŏ-so đơ̆ng char glă gô kăp pơlôch lu sư, djrang oei răp tơ 'nguaih kơ pơlei ti wă châu hek sa lu đe bu mă lĕch tơ 'nguaih pơlei, yua kơ tơdrong yoch lu sư lơ dêh, tơdrong kơnê̆ lu sư lơlap.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:22

Mă-lei Inh dui lê̆ ti Inh, yua kơ anăn Inh, wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă inh chông tơlĕch lu sư.

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Hôsia 5:5

Tơdrong pơang lu bơngai Isơrael kơdranh blah lu sư; khŭl Isơrael, khŭl Êphraim gô pơ̆k huŏng yua kơ tơdrong yoch lu sư kơdih. Khŭl Juđa kư̆m gô pơ̆k huŏng hơdai hăm lu sư.

Hôsia 7:10

Tơdrong pơang lu bơngai Isơrael pơdah tơbăt boih 'bơ̆t anăp lu sư kơdih, lu sư đei tơ'bơ̆p dôm tơdrong noh ră, mă-lei lu sư ưh kơ wă wih brŏk tơ Kră Yang 'Bok Kei-Dei lu sư kơdih, păng kư̆m ưh kơ chơchă Kră Yang.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.