Je 12:6 - Sơ̆p Hlabơar Nơ̆r 'Bok Kei-Dei

⁶ Lu 'nhŏng oh ih adrĕch adrung 'bă ih, mă lu sư kư̆m jreo tơkĕch wă pơm kơ ih. 'Nĕ kơ gơnang kơ lu sư, mă khan lu sư pơma hiôk hăm ih ră.

Je 12:6 Iomraidhean Croise

Jop 6:15

Lu 'nhŏng oh inh jing bơngai hơlĕnh, nhen thoi thong đak hrĕng kro. Thoi đak lơ̆p ro koch jăng.

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

Horiso 12:3

Apinh Kră Yang pơtôch đĭ lu bơngai pơma che bơle, Păng lu hơpiĕt mă pơma pơang;

Horiso 69:8

Inh jing thoi bơngai tơmoi kơ 'nhŏng oh inh. Thoi gơ̆p nai kơ lu 'nhŏng oh drŏ-nglo kon mĕ inh

Tơdrông Pơđơk 23:8

Ih gô hăk lê̆ tơmam đêl ih sa. Nơ̆r ih bơnê gô hiong tơdrong kơ đei.

Tơdrông Pơđơk 26:25

Tơdah sư pơma 'ngam 'nĕ kơ lui kơ sư. Yua kơ sư đei tơpơh tŏ tơdrong kơnê̆ krưp lăm jơhngơ̆m.

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 9:2

Ô! Rŏ kơ inh đei minh anih pơm anih pơdơh lăm char glă, thoi anih kơ lu bơngai tơmoi drong găn, wă kơ inh gơh weh lê̆ ataih păng achăng lê̆ kon pơlei inh; Yua kơ lu sư pơm pơyô kư̆ kă, minh khŭl bơngai hơlĕnh pơdăr.

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Je 9:5

Rim 'nu gô chă hơlĕnh pơdăr băl. Ưh kơ đei bu pơma tơpăt ôh; Lu sư pơjuăt boih hơpiĕt lu sư pơma hơlĕnh. Lu sư hrăn nŏng pơm tơdrong kơnê̆. Đĭ lap kơdih akâu.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Yo 7:5

Lu oh Sư pơma thoi noh kơlih kơ lu sư ưh tam mă lui; oh Sư tăm mă ưh kơ lui kơ Sư tăm.

Jang 16:22

Lu kon pơlei pơla kư̆m jâu bre sư mơ̆n. Thoi noh na lu kră pơgơ̆r hek tŭk ao bre sư, athei hloi lu linh teh bre sư.

Jang 18:12

Lăp Galiôn tŏk pơm kră pơgơ̆r tơ dêh char Grĕk, lu bơngai Juđê pơđâu băl pôm đon na lu sư năm rôp Pôl anhăk sư tơ anih lu kră sek tơlang.