Je 12:16 - Sơ̆p Hlabơar Nơ̆r 'Bok Kei-Dei

¹⁶ Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 12:16 Iomraidhean Croise

Hơri Hiôk 1:8

Ơ bơngai 'lơ̆ng hloh kơ đĭ-đăng lăm đe adruh, Tơdah ih ưh kơ băt ih athei 'moi bĕ đêl jơ̆ng triu, Păng wei kon bơbe ih 'bơ̆t cheng anih đe wei triu.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 14:11

Tơdrong noh gô 'blep thoi đe chih roi tơ lăm sơ̆p hla bơar 'Bok Kei-Dei sơ̆ thoi âu: “Inh 'Bok Kei-Dei Kră Yang iĕm, Inh đei tơpă păng Inh arih ling-lang, na ning-mônh đĭ-đăng kon bơngai sơtơ̆p kŭl-tăng kơkuh kơ Inh păng ư-ang Inh.”

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Ru 3:13

'Bĭch bĕ măng âu tơ âu, pơgê dơning inh gô năm apinh tơdah bơngai noh sư wă huai iŏk ih, sư athei huai iŏk bĕ, mă-lei tơdah bơngai noh ưh kơ lăp đon wă huai iŏk ih, lei inh gô pơkă 'bơ̆t anăp Kră Yang mă arih ling-lang tơpă inh gô huai iŏk ih! Ih tep bĕ tơ âu dĭng truh pơgê dơning.