Je 12:11 - Sơ̆p Hlabơar Nơ̆r 'Bok Kei-Dei

¹¹ Đe pơm kơ anih noh jing juơ rơhiăng; đe pơrăm boih sư ôr 'bơ̆t anăp Inh. Jơ̆p kơ dêh char noh jing juơ, ưh kơ đei bu wă lăng.

Je 12:11 Iomraidhean Croise

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Êsai 57:1

Bơngai 'lơ̆ng tơpăt lôch đĭ. Ưh kơ đei bơngai bu 'blŏk hơdơ̆r. Bơngai đei jơhngơ̆m đon 'mêm mơnat đĭ hiong. Ưh kơ đei bơngai bu băt tơchĕng khan. Bơngai 'lơ̆ng tơpăt Kră Yang iŏk sư wă kơ sư huay kơ 'bơm tơdrong truh răm.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Je 25:11

Jơ̆p kơ teh âu jing juơ, đĭ kon pơlei lăm dêh char âu gô bơ̆jang kơ pơtao Babilôn lăm tơpơh-jĭt sơnăm.”

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Je 9:9

Kră Yang khan: “Inh ưh kơ phak lu sư hă kơ tơdrong âu? Na Inh ưh iung kơting hă kơ lu dêh char thoi âu?”

Jôel 1:10

Chŭn mir đĭ lê̆ bri, teh choh kư̆m pă lăng, yua kơ 'ba đĭ răm, sik 'nao đĭ bơih, đak rơmă đĭ pă đei.

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

Sa 7:5

“Khan bĕ kơ đĭ-đăng kon pơlei oei kơpal teh păng lu 'bok soi thoi âu: ‘Lu iĕm nhơ̆m hmoi, ơ̆t kơ por lăm khei pơđăm, khei tơpơh, đei tơpơh-jĭt sơnăm kơ 'nâu, hăm trŏ yua kơ inh, iĕm ơ̆t kơ sŏng sa noh?

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Rom 8:22

Bơ̆n băt lu tơmam 'Bok Kei-Dei pơjing noh kư̆m hơdai pơmat-tat đơ̆ng sơ̆ khơ̆ dang ei, lu sư dang lĕ kơ bơngai drŏ-kăn jĭ anăp wă tơpŭ.