Je 12:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Je 12:10 Iomraidhean Croise

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Je 25:37

Hơdrong triu hiôk-hian kư̆m pơrăm đĭ, đơ̆ng tơdrong Kră Yang hil mĭl.

Je 25:38

Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 39:3

Kơplah pơlei Jêrusalem đe blah iŏk đĭ-đăng lu yŏng pơgơ̆r kiơ̆ gah pơtao Babilôn mơ̆t hơ-oei 'bơ̆t 'măng jang Tŏk-Bŏk, đei Nergal Sareser, đơ̆ng Samgar, Nêbô Sarsêkim yŏng pơgơ̆r linh, Nergal Sareser yŏng pơgơ̆r tih păng đĭ-đăng lu yŏng nai gah pơtao Babilôn.

Je 6:3

Lu bơngai wei triu hăm khŭl triu sư năm pơm kơ pơlei Siôn, lu sư gô pơm bơsŭn tăp dăr kơ pơlei, ba triu lu sư sa 'nhĕt lăm anih mă đei 'măn lê̆ kơ lu sư.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 34:5

Yua kơ ưh kơ đei bơngai bơwei, kon triu tơklah tơklang, lu sư tơklah tơklang jing tơmam sa lu sem bri.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Luka 21:14

Iĕm 'nĕ kơ mah tơchĕng hơdrol kơ tơdrong iĕm wă pơma dŏng akâu iĕm kơdih 'bơ̆t anăp lu sư,

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.