Je 11:4 - Sơ̆p Hlabơar Nơ̆r 'Bok Kei-Dei

⁴ Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

Je 11:4 Iomraidhean Croise

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

I Pot 8:51

Yua kơ lu sư bơngai Isơrael, noh pơlei pơla Ih, tơmam Ih yua. Ih pơklaih lu sư đơ̆ng char Êyiptơ anih noh nhen thoi anih đe 'buh jôr bơsei.

II Pot 18:6

Sư oei kơjăp hăm Kră Yang, ưh kơ achăng lê̆ ôh, sư wei răk dôm nơ̆r Kră Yang tơtă ăn kơ Môis.

Le 20:6

păng gô 'mêm dôm rơbâu jơhnơr kơ bơngai bu 'mêm kơ Inh păng wei răk khôi juăt Inh tơtă.

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 48:10

'Nâu, Inh hling iĕm rơgoh bơih, mă-lei ưh kơ trŏ thoi hling hu; Inh pơlong lăng iĕm lăm ŭnh tơdrong pơmat-tat.

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 30:22

“Thoi ei, na lu iĕm gô jing kon pơlei pơla Inh, Inh gô pơm Kră Yang 'Bok Kei-Dei lu iĕm.

Je 32:28

Lei na Kră Yang khan: “Inh gô jao pơlei tih âu tơ lăm ti lu bơngai Kalđê, lăm ti Nebukatnessar pơtao đe Babilôn sư gô blah iŏk.

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Êsêkiên 14:11

Thoi noh adrĕch Isơrael huay pă jrok weh ataih đơ̆ng Inh păng huay pă pơm kơnê̆ 'mê̆-'mach kơdih hăm lơ tơdrong glăi nai dơ̆ng, na lu sư jing kon pơlei pơla Inh, păng Inh jing Kră Yang 'Bok Kei-Dei lu sư, Kră Yang Tih Hloh khan thoi noh.’”

Êsêkiên 36:28

Lu iĕm gô oei tơ lăm teh đak mă Inh ăn kơ yă 'bok lu iĕm, lu iĕm jing kon pơlei pơla Inh, Inh jing Kră Yang 'Bok Kei-Dei lu iĕm.

Êsêkiên 37:23

Lu sư ưh pă pơm 'mê̆ akâu kơkuh kơ rup yang, lu tơdrong kơnê̆ krưp păng dôm tơdrong yoch glăi. Inh gô dŏng pơklaih lu sư đơ̆ng tơdrong pơ̆k huŏng, mă lu sư hlôi pơm. Inh gô ôp hơrao lu sư, lu sư jing kon pơlei pơla Inh, Inh jing Kră Yang 'Bok Kei-Dei lu sư.

Êsêkiên 37:27

Hnam rơgoh Inh gô oei tơ lăm lu sư, Inh jing Kră Yang 'Bok Kei-Dei lu sư, lu sư jing kon pơlei pơla Inh.

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Lêwi 26:12

Inh gô oei tŏk-bŏk lu iĕm Inh gô jing Kră Yang 'Bok Kei-Dei lu iĕm păng lu iĕm gô jing kon pơlei pơla Inh.

Lêwi 26:3

Tơdah iĕm yak rok kiơ̆ khôi juăt Inh, wei răk păng pơm kiơ̆ nơ̆r Inh tơtă,

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Sa 6:15

Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 11:27

Tơdrong pŭn hiôk, tơdah lu iĕm mơ̆ng pơm kiơ̆ dôm nơ̆r tơtă đơ̆ng Kră Yang 'Bok Kei-Dei lu iĕm, mă inh roi ăn kơ iĕm năr 'nâu.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Both 5:6

Inh boih Kră Yang 'Bok Kei-Dei lu iĕm, Tơ'ngla tơlĕch lu iĕm đơ̆ng dêh Êyiptơ, lĕch đơ̆ng pơm đĭch.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.