Je 11:23 - Sơ̆p Hlabơar Nơ̆r 'Bok Kei-Dei

²³ Ưh kơ đei minh 'nu bu klaih ôh. Yua kơ Inh gô ăn tơdrong gleh răm truh kơ kon pơlei Anathôt lăm sơnăm Inh phak lu sư.’

Je 11:23 Iomraidhean Croise

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Je 6:9

Kră Yang Tih Hloh khan: “Đe gô dônh pơpôi đĭ lu kon pơlei Isơrael mă oei oei thoi đe dônh plei hơmu. Chro ti 'mơn phĕ hơlơ̆k dơ̆ng bĕ, thoi đe phĕ plei hơmu.”

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Ob 1:18

Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”