Je 11:11 - Sơ̆p Hlabơar Nơ̆r 'Bok Kei-Dei

¹¹ Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 11:11 Iomraidhean Croise

II Pot 22:16

Kră Yang khan: “Inh gô ăn tơdrong răm tih truh 'bơ̆t anih 'nâu păng truh kơ kon pơlei lăm noh hai, thoi nơ̆r đơ̆ng sơ̆p hla bơar mă pơtao đe Juđa hlôi đŏk noh.

II Ho 34:24

Kră Yang khan: Inh wă ăn tơdrong răm truh tơ anih 'nâu păng tơ lu kon pơlei mă oei lăm anih âu, đĭ-đăng nơ̆r hiap pơtê̆ mă đei chih boih lăm sơ̆p hla bơar mă đei đŏk boih 'bơ̆t anăp pơtao Juđa.

Jop 35:13

Tơpă nơ̆r krao khan ưh kơ lui ngeh. Kră Yang 'Bok Kei-Dei ưh kơ 'maih mơ̆ng, Kră Yang Tih Hloh ưh kơ 'maih hiơ̆k.

Horiso 18:41

Lu sư ôr krao, mă-lei ưh kơ đei bu dŏng; Lu sư krao chă Kră Yang, mă-lei Sư ưh kơ tơl tơwih.

Horiso 66:18

Tơdah jơhngơ̆m inh mong răk tơdrong kơnê̆; Lei Kră Yang 'Bok Kei-Dei kuă kơ mơ̆ng nơ̆r inh.

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 24:17

Ơ kon bơngai oei lăm teh đak, tơdrong hli tơrơ, sơlŭng jrŭ păng poh-'năk hơnhuăl oei răp gô iĕm.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Je 19:3

Ih athei khan: ‘Ơ lu pơtao Juđa păng đĭ-đăng kon pơlei oei lăm pơlei Jêrusalem, mơ̆ng bĕ nơ̆r Kră Yang. Kră Yang Tih Hloh 'Bok Kei-Dei lu bơngai Isơrael khan thoi âu: Âu, Inh gô ăn tơdrong răm pơmat truh kơ anih 'nâu, dah bơngai bu kơtơ̆ng nơ̆r 'nâu kư̆m jĭ đon.

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

Je 25:35

Lu bơngai wei triu ưh pă đei trong ayơ gơh klĕnh, Lu tơ'ngla triu kư̆m ưh pă đei trong ayơ gơh klaih.

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 36:31

Inh gô phak sư, phak lu kon sâu sư păng lu yŏng pơgơ̆r yua kơ tơdrong yoch lu sư. Inh gô ăn tơdrong truh kơ lu sư, lu kon pơlei Jêrusalem păng bơngai Juđa, tơdrong phak pơrăm Inh đei khan tơbăt lê̆ kơ lu sư adrol boih, mă-lei lu sư ưh kơ wă mơ̆ng.”

Je 6:19

Mơ̆ng bĕ ơ đĭ-đăng teh đak. Âu Inh ba tơdrong răm truh kơ lu kon pơlei pơla âu, noh boih lĕch đơ̆ng tơdrong lu sư đei pơm boih, Yua kơ lu sư ưh kơ wă pơgling đon mơ̆ng nơ̆r Inh, păng sơngah boih kơ khôi juăt Inh.

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 7:5

'Nâu tơdrong Kră Yang Tih Hloh khan: Tơdrong truh 'nâu, đei dơ̆ng tơdrong truh nai âu sư truh boih.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.