Je 10:16 - Sơ̆p Hlabơar Nơ̆r 'Bok Kei-Dei

¹⁶ Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 10:16 Iomraidhean Croise

Horiso 119:57

Kră Yang jing mŭk tơmam inh boih. Inh đei pơkă wă wei răk nơ̆r Ih bơtho tơtă.

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 142:5

Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Horiso 74:2

Apinh Ih 'blŏk kơ kon pơlei mă Ih đei huai iŏk sơ̆, Adrĕch adrung mă ih đei dŏng pơklaih wă jing kon pơlei Ih. Apinh 'blŏk kơ Kông Siôn, mă anih Ih oei boih.

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 47:4

Tơ'ngla dŏng pơklaih lu bơ̆n, anăn Sư Kră Yang Tih Hloh, Tơ'ngla 'Lơ̆ng Rơgoh Isơrael.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 51:15

Inh jơ̆ Kră Yang 'Bok Kei-Dei iĕm Tơ'ngla pơm ăn đak dơsĭ poh-yă păng poh-yă re jơwa. Kră Yang Tih Hloh jơ̆ anăn Sư

Êsai 54:5

Yua kơ Tơ'ngla pơjing iĕm noh klo iĕm. Anăn Sư Kră Yang Tih Hloh. Tơ'ngla huai iŏk iĕm noh mă Tơ'ngla Rơgoh Isơrael; Sư noh boih Kră Yang 'Bok Kei-Dei kơ đĭ plĕnh teh.

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Je 31:35

Kră Yang; Tơ'ngla mă ăn măt 'năr pơchrang hơdah kơ'năr, ăn măt khei sơnglŏng pơchrang gah kơmăng, pơm kơ đak dơsĭ pơpơ̆ poh-yă hơlôk hơlak.” Kră Yang Tih Hloh noh anăn Sư.

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang:

Je 46:18

“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.

Je 50:34

Mă-lei Tơ'ngla mă dŏng pơklaih lu sư pran kơtang tơpă; anăn sư Kră Yang Tih Hloh, Sư gô dŏng lu sư tơpă, Ăn jơ̆p kơ teh đak sư hiôk-hian, Mă-lei kon pơlei Babilôn đei chhŭr nuih.”

Je 51:19

Kră Yang 'Bok Kei-Dei Jakôp ưh kơ thoi lu noh, yua kơ Sư boih Tơ'ngla pơjing tôm tơmam. Adrĕch adrung Isơrael jing tơmam gĭt Sư. Anăn Sư Kră Yang Tih Hloh.

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Both 32:9

Gah Kră Yang noh kon pơlei Sư, Jakôp noh gah Sư.