Je 1:7 - Sơ̆p Hlabơar Nơ̆r 'Bok Kei-Dei

⁷ Mă-lei Kră Yang khan kơ inh: 'Nĕ pơma khan inh oei 'lơ̆p;” yua kơ ih gô năm tơ jơ̆p-jang anih tơ yơ mă Inh wơh ih, ih gô pơma roi dôm nơ̆r mă Inh đei tơbăt ăn kơ ih pơma.

Je 1:7 Iomraidhean Croise

I Pot 22:14

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

II Ho 18:13

Mă-lei Mikaia khan: “Kiơ̆ kơ thoi Kră Yang arih ling-lang, Kră Yang 'Bok Kei-Dei inh khan liơ, inh gô pơma thoi noh.”

Le 6:29

Kră Yang khan kơ Môis: Inh boih Kră Yang, năm khan bĕ kơ Pharaôn pơtao dêh Êyiptơ, đĭ-đăng dôm nơ̆r Inh gô pơma hăm ih.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 43:1

Đang kơ Jêrêmi roi đĭ kơ kon pơlei dôm nơ̆r Kră Yang lu sư, mă wơh sư năm roi ăn,

Je 7:27

Kơplah Ih pơma dôm tơdrong 'nâu, lu sư ưh kơ mơ̆ng ih. Ih krao, mă-lei lu sư kuă kơ tơl.

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Am 7:15

Kră Yang iŏk inh đơ̆ng anih wei triu păng khan kơ inh: Ih năm khan lê̆ adrol bĕ kơ kon pơlei Isơrael inh.

Jôna 3:2

Iung bĕ! Năm tơ pơlei tih Niniwe păng bơtho kơ lu sư nơ̆r mă Inh tơtă kơ ih.

Jo 22:20

Kơplah kơmăng Kră Yang 'Bok Kei-Dei jur tơ Balaam păng khan: Tơdah lu đe noh năm truh krao ih, iung năm kiơ̆ lu sư bĕ; mă-lei ih athei pơm kiơ̆ kơ nơ̆r đơ̆ng Inh gô khan,

Jo 22:38

Balaam tơl Balak khan: 'Nâu inh năm truh tơ ih boih, dang ei inh ưh kơ gơh chă pơma minh 'bar nơ̆r Inh gô pơma kiơ̆ mă Kră Yang 'Bok Kei-Dei ăn nơ̆r lăm 'bơ̆r inh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”