Je 1:17 - Sơ̆p Hlabơar Nơ̆r 'Bok Kei-Dei

¹⁷ Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Je 1:17 Iomraidhean Croise

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

II Pot 1:15

Linh jang 'lơ̆ng Kră Yang khan kơ Êli: “Năm wăi ih jur năm tơ sư, 'nĕ kơ hli kiơ.” Thoi noh Êli jur năm kiơ̆ yŏng linh ei, năm tơ pơtao.

II Pot 4:29

Êlisê khan kơ Gêhasi: “Iŏk tơlei tơ̆n, tơ̆n tơ kơiĕng ih, chĕp ba 'long jra inh 'nâu păng năm hloi dang ei, dah ih tơ'bơ̆p bu ih 'nĕ kơ pơma dơnuh, dah bu bu pơma dơnuh hăm ih, ih 'nĕ kơ tơl hŏ! Truh tơ ei ih dan 'long jra inh 'nâu 'bơ̆t muh măt 'lơ̆p ei.”

II Pot 9:1

Êlisê bơngai khan lê̆ adrol, sư krao minh 'nu lăm lu khŭl bơngai khan lê̆ adrol na khan: “Iŏk tơlei tơ̆n, tơ̆n kơiĕng ih bĕ, chĕp get đak 'bâu phu 'nâu, năm tơ Pơlei Ramôt Galaat.

Jop 38:3

Ih athei gơhret tơlei tơ̆n thoi bơngai nuih kơtang Inh gô jet ih, na ih gô tơl tơwih kơ Inh!

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 7:2

Ih athei pơma dôm nơ̆r Inh đei tơtă kơ ih, na Arôn, 'nhŏng ih sư gô năm apinh Pharaôn, wă kơ sư achăng lê̆ kon pơlei Isơrael lĕch đơ̆ng dêh sư.

Je 1:18

Âu, năr 'nâu, Inh ăn kơ ih thoi minh pôm pơlei kơjăp, jrăng hăm mam, man dur hăm kong, wă tơblah hăm đĭ-đăng lu dêh char, hăm lu pơtao dêh Juđa, hăm lu 'bok soi, hăm lu kon pơlei pơla.

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Je 26:12

Jêrêmi tơl lu kră pơgơ̆r păng lu kon pơlei: “Noh jơ̆ đơ̆ng Kră Yang wơh athei inh năm roi khan lê̆ adrol kơ tơdrong wă pơm kơ hnam akŭm păng pơlei tih âu, mă iĕm đei kơtơ̆ng boih.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 36:8

Baruk, kon drŏ-nglo Nêria pơm kiơ̆ dôm tơdrong Jêrêmi đei roi, đŏk nơ̆r Kră Yang sư đei chih lăm sơnôm hla bơar noh lăm hnam Kră Yang.

Nhom 3:57

Năr inh krao Ih, Ih năm jê̆ inh boih, đei khan boih kơ inh: 'Nĕ kơ hli kơ kiơ!

Jôna 3:2

Iung bĕ! Năm tơ pơlei tih Niniwe păng bơtho kơ lu sư nơ̆r mă Inh tơtă kơ ih.

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.