Je 1:16 - Sơ̆p Hlabơar Nơ̆r 'Bok Kei-Dei

¹⁶ Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 1:16 Iomraidhean Croise

II Pot 22:17

Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 28:2

Sư kiơ̆ lu pơtao Isơrael, na kư̆m pơm tuh man rup yang Baal.

II Ho 34:25

Yua kơ lu sư achăng lê̆ Inh boih, soh 'long 'bâu phu kơ yang nai, yua dôm tơdrong đơ̆ng ti lu sư pơm na tơblĕk Inh; lei na Inh gô tuh tơdrong Inh hil mĭl tơ anih 'nâu, ưh kơ đei layơ ngach.’

II Ho 7:19

“Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Êsai 44:15

'Long noh đe yua pơm 'long ŭnh tơkuh; iŏk tŏ sĕt pơm ŭnh wă nhur păng kư̆m yua wă tơkuh ŭnh pơm 'bĕng. Đe kư̆m yua iŏk 'long noh pơm rup yang na kơkuh kơ sư, Traih pơm minh pôm rup, na bon kơkuh kơ sư.

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 10:3

Yua kơ tơdrong juăt lu sư noh tơdrong kơ đei. Đe kăl 'long lăm bri, yua ti thơ̆ traih hơmet hăm sung.

Je 11:12

Kơplah noh jơ̆p-jang pơlei lăm dêh char Juđa păng đĭ-đăng kơ lu bơngai mă oei lăm pơlei Jêrusalem gô tŏk năm krao kơkuh kơ lu yang mă lu sư oei soh 'long 'bâu phu, mă-lei yang noh ưh kơ gơh pơklaih lu sư ôh, kơplah lu sư đei tơdrong răm truh.

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Je 4:12

Kial rai kơtang hloh kơ lu tơdrong noh đơ̆ng Inh, 'nâu Inh gô sek phak lu sư.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Je 51:17

Rim 'nu bơngai jing bơlŭk ưh kơ băt tơdrong kiơ: Lu bơngai hling rup yang hăm maih gô mơlâu đơ̆ng rup yang sư, yua kơ rup lu sư man ưh kơ sĭt chă hơlĕnh đĕch, ưh kơ đei kial dui jơhngơ̆m.

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 16:18

Ih iŏk ao sĭt dônh tơsu kơ lu rup noh, iŏk đak rơmă ôliwơ, iŏk pơgang 'bâu phu Inh, na 'măn 'bơ̆t anăp lu sư.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 8:6

Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Jang 7:41

Na hơtai ei lu sư pơm minh pôm rup yang kon rơmo hloi na lu sư gop tơmam soi khan gia kơ rơmo ei. Lu sư sŏng sa tih tơpă yua kơ rup yang ei lu sư pơm kơdih păng maih.

Both 28:20

Kră Yang gô pơm kơ iĕm tơ'bơ̆p tơdrong hiap pơtê̆, đei tơdrong răm truh, kơ̆l jrok 'ngok răm ơh blĕk lăm tơdrong jang dĭng iĕm lôch răm đĭ dah iĕm pơm yoch achăng lê̆ Kră Yang.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Jôsuê 24:20

Tơdah lu iĕm achăng lê̆ Kră Yang, na kơkuh kơ yang tơmoi, kơplah noh Sư gô wih pơlôch pơrăm pơgoh lu iĕm, đang kơ Sư pơm 'lơ̆ng boih kơ lu iĕm đei truh tơ năr 'nâu.”

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.