Je 1:15 - Sơ̆p Hlabơar Nơ̆r 'Bok Kei-Dei

¹⁵ 'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 1:15 Iomraidhean Croise

Êsai 22:7

Rim anih thŭng ih 'lơ̆ng hloh đĭ-đăng noh tă 'bĕnh-'bang kơ gre aseh, păng lu linh hao aseh pơrĕng bơih wă tơblah tơ 'măng jang pơlei.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 13:20

Ngơk lăng bĕ; lu bơngai mă truh đơ̆ng gah yă-nơ̆m to. Khŭl triu mă Inh ăn boih kơ ih, đĭ-đăng khŭl triu mă ih pơư tơ yơ boih.

Je 25:28

Mă-lei tơdah lu sư ưh kơ chu iŏk kơchŏk sik đơ̆ng ti ih na huch, lei ih khan kơ lu sư: “Kră Yang Tih Hloh khan: Iĕm athei huch!

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 33:10

'Nâu Kră Yang khan: “Ih khan gah anih 'nâu: ‘Anih noh juơ ưh kơ đei bơngai oei, kư̆m ưh kơ đei kon sem bri.’ Lăm đĭ-đăng pơlei tih char Juđa păng trong tih pơlei Jêrusalem, dang ei jing anih rơ̆m rĕk, ưh kơ đei bơngai oei păng kư̆m ưh kơ đei sem brem trŏ tơpă.

Je 34:1

'Nâu nơ̆r Kră Yang khan kơ Jêrêmi, kơplah Nebukatnessar pơtao Babilôn, hăm đĭ-đăng lu linh sư, đĭ-đăng kơ lu teh đak chu kơ nơ̆r sư oei wang blah pơlei tih Jêrusalem păng lu pơlei nai tăp dăr.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 39:3

Kơplah pơlei Jêrusalem đe blah iŏk đĭ-đăng lu yŏng pơgơ̆r kiơ̆ gah pơtao Babilôn mơ̆t hơ-oei 'bơ̆t 'măng jang Tŏk-Bŏk, đei Nergal Sareser, đơ̆ng Samgar, Nêbô Sarsêkim yŏng pơgơ̆r linh, Nergal Sareser yŏng pơgơ̆r tih păng đĭ-đăng lu yŏng nai gah pơtao Babilôn.

Je 4:16

Roi tơbăt bĕ kơ rim dêh char! Roi ăn kơ pơlei Jêrusalem băt: Lu bơngai ayăt đơ̆ng tơring ataih truh boih wang tăp dăr Lu sư jreo tơkĕch wă tơblah hăm lu pơlei Juđa.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 43:10

Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 46:24

Lu adruh bơngai Êyiptơ gô mơlâu, Đe gô jao lăm ti kon pơlei gah yă-nơ̆m.”

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Je 6:22

Kră Yang khan: “'Nâu, đei minh adrĕch kon pơlei đơ̆ng gah yă-nơ̆m truh, jơ̆ minh adrĕch tih pran, iung blah năm đơ̆ng tôch kơ plei teh.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 5:11

Lu sư đei pơgŏ lu drŏ-kăn tơ Siôn, Păng lu adruh hle tơ rim pơlei tih char Juđa.

Êsêkiên 32:30

Đĭ-đăng lu yŏng char gah yă-nơ̆m, hơdai hăm đĭ-đăng lu kon pơlei Siđôn oei tơ noh, lu sư pŭ iŏk tơdrong mơlâu jur năm hơdai lu bơngai mă đe pơlôch, mă khan lu sư nuih kơtang pơm kơ đe hli tơrơ ră. Lu sư 'bĭch hơdai hăm lu bơngai ưh kơ kăt tơdra akar lu bơngai mă đe pơlôch hăm đao, lu bơngai mă pŭ tơdrong mơlâu jur tơ lăm sơlŭng jrŭ.

Jôel 2:20

Inh gô puh tơweh lu sư mă đơ̆ng gah yă-nơ̆m weh ataih đơ̆ng lu iĕm, păng puh tơmơ̆t lu sư tơ lăm teh hrĕng kro, păng tơ bri brah, puh lê̆ lu sư mă yak adrol huŏng tơ lăm đak dơsĭ gah hơlĕch, păng lu linh đơ̆ng rŏng huŏng tơ lăm dơsĭ gah bơmơ̆t. 'Bâu ôm păng 'bâu khach lu sư yuh đông jơ̆p-jang, yua kơ Kră Yang đei pơm boih tơdrong mơsêh tih.

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”