Je 1:14 - Sơ̆p Hlabơar Nơ̆r 'Bok Kei-Dei

¹⁴ Kră Yang khan kơ inh: “Đơ̆ng gah yă-nơ̆m gô đei tơdrong gleh truh kơ đĭ-đăng kon pơlei lăm teh âu.”

Je 1:14 Iomraidhean Croise

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 31:8

'Nâu, Inh gô chông lu sư brŏk đơ̆ng char gah yă-nơ̆m, Inh akŭm pơpôi lu sư đơ̆ng tôch kơ teh đak. Lăm lu sư đei bơngai măt tol, bơngai hơwen, lu drŏ-kăn oei anăp păng drŏ-kăn wă tơpŭ, minh khŭl tơpôl lơlap tơpă gô wih brŏk tơ âu.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 46:20

Êyiptơ thoi rơmo adruh 'lơ̆ng hơiă, Mă-lei gô đei minh khŭl jop blư bla truh đơ̆ng gah yă-nơ̆m kăp sư.

Je 47:2

'Nâu Kră Yang khan: Đak tŏk đơ̆ng gah yă-nơ̆m, jing thoi đak krong ro, lơ̆p jơ̆p kơ dêh char păng đĭ-đăng tơmam lăm teh, lơ̆p lu pơlei păng lơ̆p đĭ kon pơlei oei lăm noh, kon pơlei gô ôr krao, đĭ kon pơlei lăm dêh char gô nhơ̆m hmoi,

Je 50:41

'Nâu, đei minh khŭl kon pơlei truh đơ̆ng yă-nơ̆m, minh pôm dêh char tih pran kơtang. Păng đei lơ pơtao iung năm đơ̆ng tôch kơ teh.

Je 50:9

'Nâu, Inh gô tơiung lơ dêh char pơgơ̆p băl đơ̆ng gah yă-nơ̆m, lu sư gô mơ̆t blah dêh char Babilôn, Lu sư dă linh wă blah iŏk; 'brơ̆m lu sư prah thoi 'brơ̆m lu linh tơblah hơgei, ưh kơ đei brŏk hoh.”

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Je 6:22

Kră Yang khan: “'Nâu, đei minh adrĕch kon pơlei đơ̆ng gah yă-nơ̆m truh, jơ̆ minh adrĕch tih pran, iung blah năm đơ̆ng tôch kơ plei teh.

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Jôel 2:20

Inh gô puh tơweh lu sư mă đơ̆ng gah yă-nơ̆m weh ataih đơ̆ng lu iĕm, păng puh tơmơ̆t lu sư tơ lăm teh hrĕng kro, păng tơ bri brah, puh lê̆ lu sư mă yak adrol huŏng tơ lăm đak dơsĭ gah hơlĕch, păng lu linh đơ̆ng rŏng huŏng tơ lăm dơsĭ gah bơmơ̆t. 'Bâu ôm păng 'bâu khach lu sư yuh đông jơ̆p-jang, yua kơ Kră Yang đei pơm boih tơdrong mơsêh tih.

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”