Je 1:1 - Sơ̆p Hlabơar Nơ̆r 'Bok Kei-Dei

¹ Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

Je 1:1 Iomraidhean Croise

I Pot 2:26

Pơtao Sôlômôn khan kơ 'bok soi Abiathar: “Ih athei brŏk tơ pơlei Anathôt, anih ih jang sa, ih trŏ kơ lôch ră, mă-lei năr âu inh ưh kơ pơlôch ih ôh, yua kơ ih tung Hom Pơgơ̆p Kră Yang 'bơ̆t anăp Đawit 'bă inh păng kư̆m wang pŭ tơdrong gleh pơmat hơdai hăm 'bă inh.”

I Ho 6:60

Iŏk đơ̆ng adrĕch Bênjamin pơjao ăn kơ lu sư pơlei Gêba, Alêmet, Anahôt, păng dơnih 'nhĕt lu sư. Đĭ-đăng đei mơjĭt-pêng tŏ pơlei tih, ăn kiơ̆ kơ adrĕch adrung lu sư.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

II Ho 36:12

Sư pơm tơdrong kơnê̆ dêh 'bơ̆t anăp Kră Yang 'Bok Kei-Dei sư, ưh kơ wă tơjur akâu 'bơ̆t anăp Jêrêmi 'bok khan lê̆ adrol nơ̆r đơ̆ng Kră Yang

II Ho 36:21

Tơdrong 'nâu truh wă pơsĭt kơ nơ̆r Kră Yang khan mă đơ̆ng Jêrêmi 'bok khan lê̆ adrol roi tơbăt. Dĭng truh tơ dêh char đei pơdơh lu sơnăm Sa'bat kiơ̆ kơ Kră Yang 'Bok Kei-Dei đei pơkă boih, đĭ-đăng lăm dêh char pơdơh sơnăm Sa'bat tơtŭng rơhiăng đĭ juơ, dĭng truh tơ tôm tơpơh-jĭt sơnăm.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 2:23

bơngai pơlei Anahôt, minh-hrĕng 'bar-jĭt tơhngam;

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Êsai 10:30

Ôr mă re bĕ, Ơ kon pơlei Galim! Mơ̆ng bĕ ơ pơlei Laisa păng mơnat dêh kơ kon pơlei Anathôt!

Êsai 2:1

'Nâu Êsai kon 'bok Amôt, đei 'bôh gah dêh char Juđa păng Pơlei Jêrusalem.

Je 11:21

“Thoi noh Kră Yang khan gah kon pơlei Anathôt lu bơngai chơchă wă pơlôch ih khan: ‘Ih 'nĕ pă khan lê̆ adrol hăm anăn Kră Yang, dah ưh kơ chu ih gô lôch kơ ti nhôn.’

Je 29:27

Lei liơ ih ưh kơ rôp chrih kơ Jêrêmi pơlei Anathôt, sư oei khan lê̆ adrol, tơ lăm lu iĕm?

Je 30:1

'Nâu nơ̆r Kră Yang khan kơ Jêrêmi:

Je 37:12

Jêrêmi wă lĕch đơ̆ng pơlei Jêrusalem yak năm tơ char Bênjamin, wă iŏk klah asong hơnam sư đŏng lăm kon pơlei tơ noh.

Êsêkiên 1:3

Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Da 9:2

lăm sơnăm blŭng-a sư pơgơ̆r dêh char sư, inh, Đaniel, dơ̆ng lăm sơ̆p hla bơar băt kơ dôm sơnăm mă nơ̆r Kră Yang đei khan kơ Jêrêmi bơngai yŏng khan lê̆ adrol, wă kơ 'blep trŏ kơ pơlei Jêrusalem gô juơ lăm tơpơh-jĭt sơnăm.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Mathiơ 16:14

Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 2:17

Thoi noh boih na 'blep thoi Jêrêmi chih khan sơ̆ thoi âu:

Mathiơ 27:9

Tơdrong noh 'blep trŏ thoi Jêrêmi khan lê̆ hơdrol sơ̆ thoi âu: “Đe iŏk pêng-jĭt hlak jên đêl lu bơngai Isơrael khan wă răt minh 'nu bơngai.