Jang 9:40 - Sơ̆p Hlabơar Nơ̆r 'Bok Kei-Dei

⁴⁰ Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.

Jang 9:40 Iomraidhean Croise

II Pot 20:11

Êsai bơngai khan lê̆ adrol, krao apinh Kră Yang; na Kră Yang dui kơdŭn lê̆ yơ̆p ngôi măt 'năr pơchrang kơ kơnao kung Ahas păk hơlơ̆k tơ rŏng mơjĭt yak,

Mathiơ 6:6

Dah iĕm wă krao khan, iĕm athei tang 'măng kơdrô̆ tơ anih hrĕp. Iĕm krao khan thoi noh na iĕm tơchĕng truh tơ 'Bă bơ̆n Yang mă bơ̆n ưh kơ gơh 'bôh. Mă iĕm krao khan tơ anih hrĕp Sư kư̆m 'bôh mơ̆n, Sư ăn tơdrong iĕm apinh noh tơpă.

Mathiơ 9:25

Sư pơpuh đe lĕch đĭ tơ 'ngoaih boih na Yêsu mơ̆t tơ anih đe pơdong atâu. Yêsu rôp ti sư, na bơngai noh iung arih hloi.

Markôs 9:25

Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Luka 22:41

Đơ̆ng noh na Yêsu năm ataih ataih 'biơ̆ kơ lu đe noh na Sư sơtơ̆p kŭl-tăng krao khan kơ 'Bă Sư 'Bok Kei-Dei.

Luka 8:54

Đơ̆ng noh na đe Yêsu păng mĕ 'bă adruh ei mơ̆t tơ anih đe tơ'bĭch adruh ei na Yêsu rôp ti adruh ei păng khan: “Ơ mŏ adruh iĕ, iung bĕ.”

Jang 20:36

Hlôi Pôl pơma đang boih, Pôl păng đĭ-đăng lu sư sơtơ̆p kŭl-tăng, na Pôl krao khan kơ Kră Yang 'Bok Kei-Dei.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 28:8

'Bă Publiu ei oei păn kơ bơlŏ păng chroh hăk. Pôl mơ̆t tơ lăm anih sư păng krao khan kơ Kră Yang 'Bok Kei-Dei, na pel akâu sư păng pơklaih jĭ sư ei.

Jang 7:60

Klaih kơ noh sư sơtơ̆p kŭl-tăng pơma 'bơ̆r re thoi âu: “Ơ Kră Yang, Ih 'nĕ jô̆ yo kơ lu bơngai pơlôch inh.” Na sư lôch hloi. Sôl kư̆m wă kơ đe pơlôch Êtien mơ̆n.