Jang 9:28 - Sơ̆p Hlabơar Nơ̆r 'Bok Kei-Dei

^28-29 Klaih kơ noh na Sôl oei hơdai păng lu jơ̆ng 'bang Yêsu. Păng sư kư̆m nuih 'biơ̆ mơ̆n bơtho tơdrong Kră Yang Yêsu jơ̆p kơ Pơlei Jêrusalem. Sư pơjah pơjăng păng lu đe Juđê mă pơma nơ̆r Grĕk. Mă-lei lu bơngai 'noh wă pơlôch sư.

Jang 9:28 Iomraidhean Croise

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

Horiso 121:8

Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

Yo 10:9

Inh thoi 'măng hơdrong, bơngai bu mơ̆t trong Inh, lui kơ Inh, sư gô klaih đơ̆ng tơdrong yoch. Sư gơh mơ̆t păng gơh lĕch chă sa ưh kơ hli tơdrong kiơ.

Jang 1:21

“Na dang ei bơ̆n athei rơih minh 'nu dơ̆ng wă mơ̆t bơ̆jang hơdai lu jơ̆ng 'bang Yêsu bơ̆n, na sư hơdai păng bơ̆n gô roi tơbăt kơ đe Yêsu iung arih boih. Bơ̆n athei rơih chă minh 'nu bơngai đêl oei hơdai păng bơ̆n, đơ̆ng Yêsu 'nao oei păng bơ̆n na Yôhan pơm 'batem sơ̆ truh tơ 'Bok Kei-Dei atŏk Yêsu tơ plĕnh.”

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Jang 4:29

Dang ei ơ Kră Yang 'Bok Kei-Dei, lu sư oei hil kơ nhôn khă nhôn bơtho tơdrong Yêsu; na dang ei nhôn apinh Ih tơgŭm lu nhôn đĭch đam Ih, wă kơ nhôn nuih chă bơtho nơ̆r Ih kơ kon bơngai.

Galati 1:18

Đơ̆ng rŏng kơ inh lui kơ Yêsu pêng sơnăm na inh năm tơ Pơlei Jêrusalem hơpong kơ Pêtrôs. Inh oei păng sư tơ noh 'bar 'măng giĕng.