Jang 9:23 - Sơ̆p Hlabơar Nơ̆r 'Bok Kei-Dei

²³ Đunh đơ̆ng noh lu bơngai Juđê pơđâu wă pơlôch Sôl.

Jang 9:23 Iomraidhean Croise

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Jang 15:26

Bre Pôl păng 'Barna'ba adrin tơpă bơtho tơdrong Kră Yang Yêsu Krist, ưh kơ hli kơ lôch ôh.

Jang 20:3

Pôl oei tơ ei pêng khei. Klaih kơ noh sư wă năm tơ dêh char Siri ră, na sư kơtơ̆ng lu bơngai Juđê wă rôp pơrăm lê̆ sư. Thoi noh na sư brŏk trong đêl sư năm hơdrol ei dơ̆ng, gah trong dêh char Masêđôn.

Jang 23:12

Pơgê dơning dơ̆ng lu bơngai Juđê mơ'nah akŭm pơđâu wă pơlôch Pôl. Lu sư pơma hiap kơdih khan: “Dah bơ̆n sŏng sa nhă đak tam mă pơlôch Pôl, mă bơ̆n lôch kơ 'Bok Kei-Dei pơrăm.”

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Jang 9:22

Sôl bơtho rai đunh rai hơgei na lu bơngai Juđê oei tơ Pơlei Đamas ưh pă gơh pơjah ôh. Sư bơtho khan Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.