Jang 9:22 - Sơ̆p Hlabơar Nơ̆r 'Bok Kei-Dei

²² Sôl bơtho rai đunh rai hơgei na lu bơngai Juđê oei tơ Pơlei Đamas ưh pă gơh pơjah ôh. Sư bơtho khan Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

Jang 9:22 Iomraidhean Croise

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 51:13

Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Êsai 40:29

Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Jang 9:21

Đĭ-đăng bơngai kơtơ̆ng sư sơleng kơ đon păng khan: “Hăm trŏ 'bok âu dah kiơ pơm răm kơ lu bơngai lui kơ Yêsu tơ Pơlei Jêrusalem ki? Sư kư̆m khan wă năm tơ âu rôp bơngai lui kơ Yêsu ăn kơ lu 'bok soi tih dơ̆ng.”

Jang 9:23

Đunh đơ̆ng noh lu bơngai Juđê pơđâu wă pơlôch Sôl.

Jang 9:27

Mă-lei 'Barna'ba năm ba Sôl tơ lu jơ̆ng 'bang Yêsu. 'Barna'ba roi kơ lu sư tơdrong Sôl tơ'bơ̆p Kră Yang Yêsu păng kơtơ̆ng 'bơ̆r Yêsu pơma kơplah Sôl oei yak rok trong. Sư kư̆m roi kơ lu sư tơdrong Sôl bơtho đe kư̆m nuih 'biơ̆ tơpă mơ̆n kơplah sư oei bơtho tơdrong Yêsu kơ khŭl bơngai Juđê tơ Pơlei Đamas.

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;

Galati 1:18

Đơ̆ng rŏng kơ inh lui kơ Yêsu pêng sơnăm na inh năm tơ Pơlei Jêrusalem hơpong kơ Pêtrôs. Inh oei păng sư tơ noh 'bar 'măng giĕng.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.