Jang 9:15 - Sơ̆p Hlabơar Nơ̆r 'Bok Kei-Dei

¹⁵ Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Jang 9:15 Iomraidhean Croise

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Je 1:7

Mă-lei Kră Yang khan kơ inh: 'Nĕ pơma khan inh oei 'lơ̆p;” yua kơ ih gô năm tơ jơ̆p-jang anih tơ yơ mă Inh wơh ih, ih gô pơma roi dôm nơ̆r mă Inh đei tơbăt ăn kơ ih pơma.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

Jang 21:19

Pôl kơkuh kơ lu sư păng ră roi kơ lu sư dôm tơdrong 'Bok Kei-Dei tơgŭm lu bơngai tơmoi mă ưh kơ khŭl Juđê kơlih kơ tơdrong jang Pôl.

Jang 22:14

Anania khan kơ inh: ‘Lu kơdră bơ̆n sơ̆ lui kơkuh kơ 'Bok Kei-Dei. 'Bok Kei-Dei boih rơih iŏk ih, wă kơ ih băt dôm tơdrong Sư pơm, Sư wă kơ ih 'bôh Kon 'lơ̆ng tơpăt Sư păng kơtơ̆ng Kon Sư pơma.

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 25:22

Pơtao Agripa khan kơ Phêtus: “Inh wă mơ̆ng Pôl pơma mơ̆n.” Phêtus khan: “Năr dơning ih gô mơ̆ng sư pơma.”

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

Jang 26:32

Agripa khan kơ Phêtus: “Bơngai âu hơtai ki dah sư ưh kơ đei apinh wă năm tơ 'bok pơtao tơm Rôm lei ih gơh tơlĕch sư đơ̆ng hnam phak dang ei.”

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 11:13

Na dang ei inh wă pơma kơ lu iĕm bơngai nai. 'Bok Kei-Dei ăn kơ inh pơm jơ̆ng 'bang Yêsu, wă kơ inh bơtho iĕm mă ưh kơ khŭl Isơrael. Yua kơ thoi noh na inh adrin tơpă kơ tơdrong jang inh

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

Galati 1:1

Inh Pôl chih hơpong kơ lu bơngai lui tơ dêh char Galati. Jet gia 'nhŏng oh. Lu 'nhŏng oh bơngai lui tơ inh âu kư̆m đei nơ̆r jet gia kơ iĕm mơ̆n. Inh pơm jơ̆ng 'bang Yêsu Krist yua kơ Sư ăn inh pơm jơ̆ng 'bang Sư. 'Bă Sư 'Bok Kei-Dei tơiung arih Sư đơ̆ng lôch păng Sư kư̆m ăn kơ inh pơm jơ̆ng 'bang Yêsu mơ̆n. Ưh kơ sĭ kon bơngai ăn kơ inh ôh. Ưh kơ sĭ kon bơngai pơtruh ăn kơ inh nơ̆r 'Bok Kei-Dei athei inh pơm jơ̆ng 'bang Yêsu ôh, inh kơtơ̆ng đơ̆ng Sư đĕch khan kơ inh.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”