Jang 9:10 - Sơ̆p Hlabơar Nơ̆r 'Bok Kei-Dei

¹⁰ Tơ Pơlei Đamas đei minh 'nu bơngai anăn sư Anania, sư lui kơ Yêsu. Anania kơtơ̆ng nơ̆r Yêsu khan kơ sư: “Ơ Anania ơi.” Anania khan: “Ơ Kră Yang, Ih wă kơ kiơ? Inh tơ âu.”

Jang 9:10 Iomraidhean Croise

Bl 14:15

Thoi noh Abram klah asong lu đam sư, wơh năm wang lu linh ayăt kơmăng blah puh truh tơ teh đak Hôba gah yă-nơ̆m kơ pơlei Đamas.

Bl 22:1

Đang kơ dôm tơdrong noh keh boih, na Kră Yang 'Bok Kei-Dei pơlong lăng Abraham. Sư khan thoi âu: “Ơ Abraham!” Abraham tơl: “Inh tơ âu.”

Bl 31:11

Linh jang Kră Yang 'Bok Kei-Dei khan kơ inh lăm inh apo thoi âu: Ơ Jakôp! Inh tơl: Đei inh tơ âu:

II Sam 15:26

Mă-lei tơdah Kră Yang khan: ‘Inh ưh kơ lăp kơ ih,’ lei apinh Kră Yang hơmet inh kiơ̆ kơ Kră Yang lăp đon lăng 'lơ̆ng!”

Le 3:4

Kră Yang 'bôh sư năm lăng rai jê̆, Kră Yang pơma đơ̆ng lăm jơla noh krao: Ơ Môis, Ơ Môis! Sư tơl khan: Đei inh tơ âu!

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

Jang 11:5

“Hơtai inh oei tơ Pơlei Japa ki, minh năr ei inh oei krao khan na inh 'bôh minh pôm tơmam anŭng che tih đơ̆ng plĕnh jruh 'bơ̆t anăp inh.

Jang 12:9

Na Pêtrôs asu khăn sư, iung yak kiơ̆ linh jang 'lơ̆ng tơ 'ngoaih hloi. Mă-lei Pêtrôs khan nhen lĕ apo đĕch.

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 18:9

Minh măng ei Pôl apo 'bôh Kră Yang Yêsu pơma păng sư khan: “Ih 'nĕ kơ hli păng ih 'nĕ kơ tŭk tơdrong jang ih. Ih kư̆ bơtho ling-lang đĕch.

Jang 2:17

‘'Bok Kei-Dei khan: Lăm năr hơtuch kơnh, Inh wă ăn Yang Bơhngol Inh kơ jơ̆p-jang bơngai. Lu kon drŏ-nglo drŏ-kăn sư wă pơma nơ̆r khan lê̆ hơdrol, lu tơdăm gô apo 'bôh lu tơdrong mă ưh tam mă truh, lu 'bok kră gô apo mơ̆n.

Jang 22:12

“Tơ Pơlei Đamas ei đei minh 'nu bơngai anăn sư Anania. Sư ling-lang pơm kiơ̆ tơdrong juăt bơ̆n. Đĭ-đăng bơngai Juđê lăm Pơlei Đamas băt kơ sư bơngai 'lơ̆ng.

Jang 9:12

Sôl sư apo 'bôh ih mơ̆t tơ sư pel kơ̆l sư wă kơ gơh 'bôh thoi đêl.”

Jang 9:9

Pêng năr Sôl sư ưh kơ đei sŏng sa păng nhă đak. Măt sư ưh kơ 'bôh hơdah ôh.

II Kor 11:32

Tơ Pơlei Đamas sơ̆ đei minh 'nu pơm phŏ pơtao Arêtah, sư athei đe gak 'măng tơm Đamas, tơ̆ng 'bôh inh athei rôp.

Galati 1:17

Inh kư̆m ưh kơ đei năm tơ Pơlei Jêrusalem chă hơpong kơ lu bơngai jơ̆ng 'bang Yêsu mă jang adrol kơ inh ôh. Inh năm tơ dêh char Arabia. Klaih kơ noh inh năm tơ Pơlei Đamas dơ̆ng.

I Sam 3:4

Kră Yang krao Samuel; na sư tơl: Đei inh tơ âu!