Jang 8:7 - Sơ̆p Hlabơar Nơ̆r 'Bok Kei-Dei

⁷ Philip pơklaih lu bơngai yang mơ̆t. Lăp Philip pơklaih bơngai yang kơnê̆ mơ̆t ei, na yang ei pơret kơdâu hloi jăk tơ nai. Sư kư̆m đei pơklaih lơ bơngai kue jo mơ̆n.

Jang 8:7 Iomraidhean Croise

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Mathiơ 10:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih rim tơdrong jĭ jăn kon bơngai.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Markôs 9:26

Yang kơnê̆ hmoi pơret pơm kơ sư pơtơ̆l, na lĕch jăk hloi đơ̆ng akâu bơngai 'lơ̆p ei. Na bơngai 'lơ̆p ei đe lăng sư nhen lôch na đĭ-đăng kơ đe khan: “'Noh sư lôch boih.”

Luka 10:17

Lu tơpơh-jĭt 'nu noh năm chă bơtho đe păng chă pơklaih lu bơngai jĭ jăn. Klaih kơ noh lu sư wih tơ Yêsu. Lu sư khan: “Ơ 'Bok, nhôn gơnang kơ anăn Ih, mă lu yang kơnê̆ kư̆m chu kơ nhôn mơ̆n.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Jang 5:16

Tăp dăr Pơlei Jêrusalem lu kon pơlei pơla lơlang lơlap năm anhăk ba lu bơngai jĭ jăn păng lu bơngai yang mơ̆t. Na đĭ-đăng kơ lu sư klaih ngăl.

Jang 8:6

'Bok Kei-Dei ăn kơ Philip pơm lơ tơdrong mơsêh mơyang. Na lu kon pơlei pơla 'bôh Philip pơm thoi noh, na lu sư wă mơ̆ng mă nhên.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.