Jang 8:5 - Sơ̆p Hlabơar Nơ̆r 'Bok Kei-Dei

⁵ Hơtai ei Philip năm tơ Pơlei Samari, bơtho gah tơdrong Yêsu. Sư khan: “Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 8:5 Iomraidhean Croise

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 21:8

Năr dơning dơ̆ng nhôn tŏk thŏng-nan năm đơ̆ng Pơlei Pôtôlêmơs truh tơ Pơlei Sêsarê. Nhôn jur đơ̆ng thŏng-nan năm tơ hnam Philip bơngai bơtho Tơdrong 'Nao 'Lơ̆ng Yêsu Krist. Nhôn oei hơdai hăm sư. Sư lăm tơpơh 'nu bơngai mă lu bơngai lui rơih đơ̆ng Pơlei Jêrusalem sơ̆ wă wei-lăng lu bơngai asong tơmam kơ đe.

Jang 5:42

Rim năr sư oei bơtho Tơdrong 'Nao 'Lơ̆ng Yêsu Krist phŏ phŏ kơnh tơ hnam akŭm 'Bok Kei-Dei tơm, phŏ phŏ kơnh tơ hnam kơdih.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Jang 8:26

Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”

Jang 8:30

Na Philip năm yak hơdai păng kơtơ̆ng 'bok ei đŏk sơ̆p hla bơar Êsai. Philip khan kơ sư: “Ih đŏk lăng tơdrong noh, ih hăm hlôh ưh?”

Jang 8:40

Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.

Jang 8:6

'Bok Kei-Dei ăn kơ Philip pơm lơ tơdrong mơsêh mơyang. Na lu kon pơlei pơla 'bôh Philip pơm thoi noh, na lu sư wă mơ̆ng mă nhên.

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

I Kor 2:2

Kơplah noh sơ̆ inh bơtho iĕm gah tơdrong Yêsu đĕch păng gah tơdrong Sư lôch tơ 'long pơglang, ưh kơ đei tơdrong nai ôh.

I Kor 3:11

Thoi noh na ưh kơ đei bu gơh pơm hnam sư tơ anih nai ôh, yua kơ 'Bok Kei-Dei hơmet lăp minh pôm anih noh đĕch. Anih noh wă khan Yêsu Krist.