Jang 8:40 - Sơ̆p Hlabơar Nơ̆r 'Bok Kei-Dei

⁴⁰ Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.

Jang 8:40 Iomraidhean Croise

Sa 9:6

Bơngai tơmoi gô oei lăm pơlei Asdôt; Inh gô tơhiong lê̆ tơdrong pơang lu bơngai Philistin.

Jang 10:1

Tơ Pơlei Sêsarê đei minh 'nu bơngai anăn sư Kôrnei. Sư 'bok yŏng linh lăm khŭl linh đe anăn khŭl Itali, mă-lei sư wei lăp minh grŭp đĕch.

Jang 10:24

Năr dơmônh dơ̆ng lu sư truh tơ Pơlei Sêsarê. Kôrnei chang gô lu sư. Sư kư̆m krao akŭm lu kơtum păng lu bôl buăl sư mơ̆n.

Jang 11:11

Hơtai ei pêng 'nu bơngai truh tơ hnam inh oei. Đe wơh lu sư năm tơ inh. Lu sư ei đơ̆ng Pơlei Sêsarê.

Jang 12:19

Pơtao Hêrôt athei lu linh chă mă 'bôh, mă lu linh chă ưh kơ 'bôh ôh. Na pơtao Hêrôt rôp linh ei sek tơlang. Đơ̆ng noh đei nơ̆r pơtao Hêrôt athei tơduă linh bôl sư pơlôch mă linh gak ưh kơ 'lơ'lŏ ei. Klaih kơ noh pơtao Hêrôt năm đơ̆ng char Juđê tơ Pơlei Sêsarê. Tơ noh sư wă oei đunh 'biơ̆ mơ̆n.

Jang 21:16

Kư̆m đei lu bơngai lui đơ̆ng Pơlei Sêsarê năm hơdai hăm nhôn mơ̆n. Lu sư wă năm ba nhôn tơ hnam Masôn. Masôn sư bơngai đơ̆ng dêh char Chiprơ, lui kơ Kră Yang Yêsu đơ̆ng hơdrol sơ̆ hloi. Nhôn wă năm oei tơ hnam sư.

Jang 21:8

Năr dơning dơ̆ng nhôn tŏk thŏng-nan năm đơ̆ng Pơlei Pôtôlêmơs truh tơ Pơlei Sêsarê. Nhôn jur đơ̆ng thŏng-nan năm tơ hnam Philip bơngai bơtho Tơdrong 'Nao 'Lơ̆ng Yêsu Krist. Nhôn oei hơdai hăm sư. Sư lăm tơpơh 'nu bơngai mă lu bơngai lui rơih đơ̆ng Pơlei Jêrusalem sơ̆ wă wei-lăng lu bơngai asong tơmam kơ đe.

Jang 23:23

Yua kơ tơdrong noh boih na 'bok tih linh krao hloi 'bar 'nu phŏ sư na khan: “Biĕm krao 'bar-hrĕng 'nu linh năm jơ̆ng hoh, tơpơh-jĭt 'nu linh hao aseh, 'bar-hrĕng 'nu linh chĕp tak. Athei lu sư hơmet bĕ năm tơ Pơlei Sêsarê tơsĭn jơ măng kơnh.

Jang 23:33

Truh tơ Pơlei Sêsarê lu sư ăn hla kơthơ kơ 'bok kuan tih Phêlik hăm jao Pôl tơ sư.

Jang 25:1

Pêng năr đơ̆ng rŏng kơ Phêtus truh tơ dêh char ei wă pơm kuan tih, sư năm đơ̆ng Pơlei Sêsarê truh tơ Pơlei Jêrusalem.

Jang 25:13

Đơ̆ng rŏng kơ noh 'bar pêng năr pơtao Agripa hăm oh drŏ-kăn sư, anăn sư ei Bêrênis, năm hơpong tơ Phêtus tơ Pơlei Sêsarê.

Jang 25:4

Phêtus khan kơ lu sư: “Nhôn tah Pôl tơ hnam phak tơ Pơlei Sêsarê. Mă inh kư̆m ưh kơ mah đunh mơ̆n oei tơ âu; inh kư̆m dah wă brŏk tơ Pơlei Sêsarê.

Jang 25:6

Phêtus oei tơ Pơlei Jêrusalem oei pă tơsĭn mơjĭt năr dơ̆ng. Klaih kơ noh sư brŏk tơ Pơlei Sêsarê dơ̆ng. Lu kră bơngai Juđê kư̆m kiơ̆ sư mơ̆n. Na năr dơning lu sư mơ̆t tơ hnam sek tơlang tơ Pơlei Sêsarê, na Phêtus athei lu linh chông ba Pôl mơ̆t tơ lăm hnam sek tơlang ei.

Jang 8:25

Na tơ Pơlei Samari bre Pêtrôs păng Yôhan bơtho tơdrong Kră Yang Yêsu păng roi dôm tơdrong sư 'bôh Yêsu pơm sơ̆. Klaih kơ noh bre sư wih tơ Pơlei Jêrusalem dơ̆ng. Kơplah bre sư oei yak rok trong, bre sư mơ̆t drong lơ tơ pơlei đe wă bơtho rah Tơdrong 'Nao 'Lơ̆ng Yêsu tơ pơlei đe lăm dêh char Samari.

Jang 9:30

Lu bôl Sôl kơtơ̆ng thoi noh na năm ba sư truh tơ Pơlei Sêsarê. Đơ̆ng noh na Sôl năm truh tơ pơlei sư Tarsơ minh drô̆ sư.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

Jôsuê 11:22

Ưh pă đei minh 'nu bu bơngai Anakim oei hơdai lăm char lu bơngai Isơrael; oei đei đăi arih lăp lu bơngai lăm pơlei Gasa, pơlei Gat păng lăm pơlei Asdôt.

I Sam 5:1

Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.