Jang 8:22 - Sơ̆p Hlabơar Nơ̆r 'Bok Kei-Dei

²² Ih athei tơbral kơdih tơdrong yoch ih âu. Apinh 'Bok Kei-Dei 'nĕ jô̆ yo kơ ih tơdrong ih tơchĕng yoch noh hei.

Jang 8:22 Iomraidhean Croise

Tơdrông Pơđơk 24:9

Tơdrong tơchĕng wă pơm lĕch đơ̆ng kơhlôh kơwao noh yoch. Bơngai juăt kơ hiap đe areh dêh.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Jôna 1:6

'Bok yŏng tơ'ngla duk noh năm tơ sư păng râu sư khan: Ơ bơngai oei tep noh, pơm kiơ thoi noh? Iung bĕ! Krao khan apinh yang ih bĕ! Wă kơ Yang ih 'blŏk kơ bơ̆n, na lu bơ̆n huay kơ lôch.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Jang 8:20

Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Jang 9:11

Kră Yang Yêsu khan kơ sư: “Inh athei ih năm tơ Trong Tơpăt, truh tơ hnam Juđa, chă minh 'nu bơngai đơ̆ng Pơlei Tarsơ, anăn sư Sôl. Tơ ei sư oei krao khan kơ Inh.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.