Jang 8:20 - Sơ̆p Hlabơar Nơ̆r 'Bok Kei-Dei

²⁰ Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Jang 8:20 Iomraidhean Croise

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Da 5:17

Thoi noh Đaniel tơl pơma 'bơ̆t anăp pơtao thoi âu: Pơtao ih kư̆ kơ bơwei tơmam noh păng gô apah lu đe nai tơmam noh! Mă khan, huay kơ apah inh kư̆m đŏk ăn lu chư noh kơ ih păng tơblang ăn kơ ih pơtao.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Jang 1:18

“Juđa iŏk jên đơ̆ng bơngai wă rôp Yêsu na đơ̆ng jên ei sư blơ̆ răt mir đe. Đơ̆ng noh na Juđa sư pơrăm kơdih akâu, sư huŏng hơtat pơchah klak lôch hloi.

Jang 10:45

Lu bơngai lui đơ̆ng Pơlei Japa mă kiơ̆ Pêtrôs ei sư bơngai Juđê. Sư kơtơ̆ng lu kon pơlei ei pơma nơ̆r hlĭch ư-ang kơ 'Bok Kei-Dei, na sư băt 'Bok Kei-Dei ăn Yang Bơhngol 'Lơ̆ng kơ lu kon pơlei ei boih. Na sư sơleng kơ đon kơlih kơ sư lăng lu bơngai akŭm ei ưh kơ trŏ kơ khŭl bơngai Juđê thoi sư. Sư ngêh kơ 'Bok Kei-Dei wă ăn Yang Bơhngol 'Lơ̆ng kơ khŭl Juđê đĕch. Na Pêtrôs pơma kơ lu bôl sư thoi âu:

Jang 11:17

'Bok Kei-Dei ăn kơ lu sư Yang Bơhngol 'Lơ̆ng thoi Sư ăn kơ bơ̆n sơ̆ lăp bơ̆n lui kơ Kră Yang Yêsu Krist, na Sư ăn kơ bơ̆n Yang Bơhngol 'Lơ̆ng hloi. Na inh ưh kơ wă găn 'Bok Kei-Dei ôh.”

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 8:19

Sư khan thoi âu: “Apinh biĕm ăn kơ inh gơh pel kơ̆l đe na Yang Bơhngol 'Lơ̆ng oei păng đe hloi, na inh ăn kơ biĕm jên.”

Jang 8:22

Ih athei tơbral kơdih tơdrong yoch ih âu. Apinh 'Bok Kei-Dei 'nĕ jô̆ yo kơ ih tơdrong ih tơchĕng yoch noh hei.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

Ya 5:3

tơmam hu maih iĕm gô đĭ kơ gơsang sa, noh na đe băt kơ iĕm bơngai hưch kơ mŭk tơmam dêh, tơmam iĕm gô hiong đĭ. Gơsang noh kư̆m wă sa akâu iĕm mơ̆n thoi lĕ kơ ŭnh. Iĕm chă mong mŭk tơmam lơ, mă-lei ưh kơ yua kiơ kơlih kơ wă jê̆ truh năr tôch boih.

Tơdrông Tơ'bôh 18:15

Lu bơngai juăt kơ mơdro sa, lu sư juăt kơ năm mơdro tơ pơlei noh na jing mơdrŏng, lu sư tơmang lăng đơ̆ng ataih hli kơ tơdrong truh kơ lu sư păng nhơ̆m hmoi ơh ăk păk jăl,