Jang 8:18 - Sơ̆p Hlabơar Nơ̆r 'Bok Kei-Dei

¹⁸ Simôn 'bôh bre sư pel kơ̆l lu sư, Yang Bơhngol 'Lơ̆ng jur oei păng lu sư hloi na Simôn khan wă ăn jên kơ bre sư.

Jang 8:18 Iomraidhean Croise

II Pot 8:9

Thoi noh, Hasael năm sơng Êlisê bơngai mă Kră Yang 'Bok Kei-Dei yua, chông ba puăn-jĭt tŏ aseh lăk-đa, chơ ba dôm tơmam mă 'lơ̆ng ngơ-ngei đơ̆ng pơlei Đamas noh, wă ăn kơ Êlisê bơngai mă Kră Yang 'Bok Kei-Dei yua, sư năm tơ'bơ̆p Êlisê, na khan: “Kon drŏ-nglo ih Ben Hadat, pơtao đe Aram, sư wơh inh năm tơ ih sư wă apinh khan: “Ĭnh hăm wă kĕ klaih đơ̆ng jĭ 'nâu dah ưh?”

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

Jang 8:19

Sư khan thoi âu: “Apinh biĕm ăn kơ inh gơh pel kơ̆l đe na Yang Bơhngol 'Lơ̆ng oei păng đe hloi, na inh ăn kơ biĕm jên.”

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”