Jang 7:8 - Sơ̆p Hlabơar Nơ̆r 'Bok Kei-Dei

⁸ 'Bok Kei-Dei pơkă khan gô tơgŭm Abraham ling-lang, na Sư athei Abraham kăt tơdra akar lu kon sư wă kơ kon sư 'blŏk tơdrong 'Bok Kei-Dei pơkă wă tơgŭm sư ling-lang. Akăn Abraham tơpŭ minh 'nu kon anăn sư Isăk. Lăp 'bă sư kăt tơdra akar sư, Isăk 'nao tơhngam năr boih. Na Isăk pơjing minh 'nu kon anăn sư Jakôp. Na Jakôp pơjing mơjĭt-'bar 'nu kon, lu đe ei boih 'bok kơdră bơ̆n sơ̆.

Jang 7:8 Iomraidhean Croise

Bl 29:31

Kră Yang 'bôh Jakôp ưh kơ 'mêm kơ Lêa, ăn kơ sư đei pơjing hơ'lơ̆p, gah Rachel hơwŏng hơwŏ.

Bl 30:5

Bila anăp tơpŭ ăn minh 'nu kon drŏ-nglo kơ Jakôp.

Bl 35:16

Oei đơ̆ng Bethel năm wă jê̆ Êphrat dang minh 'bar măng kơ trong, na Rachel hơiơch kơ Bênjamin, gah tơdrong sư hơiơch noh sư đei jĭ pơmat dêh.

Bl 35:18

Kơplah Rachel wă kơtĕch jơhngơ̆m, lap săi kơ lai na sư anăn kon sư noh Bên Ônid 'bă sư krao anăn Bênjamin.e

I Ho 1:34

Abraham pơjing Isăk. Kon drŏ-nglo Isăk noh: Êsâu păng Isơrael.

Mathiơ 1:2

Abraham pơjing Isăk, Isăk pơjing Jakôp, Jakôp pơjing Juđa hăm lu 'nhŏng oh sư.

Yo 7:22

Môis pơkă ăn kơ iĕm tơdrong kăt tơdra akar; mă tơpă ưh kơ sĭ kơ Môis ôh hơdrol. Tơdrong kăt tơdra akar noh đơ̆ng lu yă 'bok iĕm sơ̆ pơtơ̆p hơdrol. Na lăp năr pơdơh Sa'bat iĕm kư̆m jang kăt tơdra akar đe mơ̆n, yua kơ Môis pơkă thoi noh.

Jang 2:29

Pêtrôs oei pơma: “Ơ 'nhŏng oh, inh wă pơma kơ iĕm mă nhên gah Đawit 'bok kơdră bơ̆n sơ̆. Đawit lôch boih. Klaih kơ noh đe 'bŭ sư. Bơsat sư tơ Pơlei Jêrusalem kư̆m oei khơ̆ dang ei mơ̆n.

Rom 4:10

Kơplah 'Bok Kei-Dei jô̆ kơ Abraham bơngai 'lơ̆ng tơpăt noh sơ̆, đơ̆ng rŏng kơ Abraham kăt tơdra akar dah adrol kơ Abraham kăt tơdra akar? 'Bok Kei-Dei jô̆ sư bơngai 'lơ̆ng tơpăt adrol kơ sư kăt tơdra akar ưh kơ sĭ đơ̆ng rŏng ôh.

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 3:17

Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.

Hêbrơ 7:4

Sư 'bok tih tơpă bĭ iĕm tơchĕng sư thoi yơ? 'Bok kơdră bơ̆n Abraham sơ̆ mah asong sư tơmam đơ̆ng sư blah iŏk tơmam lu ayăt, ăn kơ sư minh lơ̆m mơjĭt.