Jang 7:58 - Sơ̆p Hlabơar Nơ̆r 'Bok Kei-Dei

⁵⁸ păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.

Jang 7:58 Iomraidhean Croise

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Jo 15:35

Kră Yang khan kơ Môis thoi âu: Bơngai 'nâu athei pơlôch, đĭ-đăng khŭl tơpôl akŭm athei klơ̆m tơmo kơ sư tơ đaih kơđông.

Luka 4:29

Lu sư gruih graih iung rôp hloi Yêsu anhăk tơlĕch Sư đơ̆ng pơlei ei năm tơ kông 'bơ̆t jê̆ pơlei sư ei wă hiŏng hơtat Sư đơ̆ng kơpal jih nak 'nei ră.

Jang 22:20

Hơtai đe pơlôch Êtien, bơngai bơtho Tơdrong 'Nao 'Lơ̆ng Ih, inh kư̆m tơ ei mơ̆n; inh wă kơ đe pơlôch Êtien păng inh wei-lăng ao lu bơngai pơlôch sư.’

Jang 22:23

Lu sư pơma re, lu sư hơwơ̆t ao lu sư hăm săi teh pơnŭk.

Jang 22:4

Sơ̆ inh areh kơ lu bơngai lui kơ Yêsu, truh tơ inh rôp pơlôch lu sư. Inh rôp lu bơngai kiơ̆ Yêsu mă drŏ-nglo mă drŏ-kăn, tah hloi lu sư tơ hnam phak.

Jang 26:10

Inh kư̆m pơm thoi noh tơpă tơ Pơlei Jêrusalem. Lu 'bok soi tih ăn kơ inh năm rôp tah lê̆ lơ lu bơngai mă lui kơ Yêsu lăm hnam phak. Lăp đe khan wă pơlôch lu sư, inh kư̆m wă mơ̆n.

Jang 6:11

Na lu sư năm khan kơ bôl sư na athei bôl sư chă roi kơ đe thoi âu: “Nhôn kơtơ̆ng Êtien pơma kơnê̆ kơ Môis păng 'Bok Kei-Dei.”

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

Jang 7:57

Na lu đe ei kơtơ̆ng Êtien pơma thoi noh, lu sư pơma 'bơ̆r re chĭt đon hloi,

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.