Jang 7:46 - Sơ̆p Hlabơar Nơ̆r 'Bok Kei-Dei

⁴⁶ 'Bok Kei-Dei lăp đon kơ Đawit, na Đawit apinh 'Bok Kei-Dei wă pơm hnam akŭm tih wă kơ 'Bok Kei-Dei oei. 'Bok Kei-Dei boih mă Jakôp lui kơkuh kơ Sư sơ̆.

Jang 7:46 Iomraidhean Croise

II Sam 6:21

Đawit tơl khan: “Inh suang wă ư-ang kơ Kră Yang Tơ'ngla mă rơih iŏk inh ưh kơ rơih 'bă ih păng đĭ kơ adrĕch sư, Sư pôk inh pơm pơtao kon pơlei Isơrael, jing kon pơlei Kră Yang, lei na inh suang chơt hiôk wă ư-ang kơ Kră Yang.”

Horiso 132:11

Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

I Sam 13:14

Mă-lei dang ei, dêh char ih ưh kơ kơjăp ôh. Kră Yang đei rơih iŏk ăn kơ Sư kơdih minh 'nu bơngai kiơ̆ kơ jơhngơ̆m Sư, ăn bơngai noh pơgơ̆r kon pơlei Sư, yua kơ ih ưh kơ wei nơ̆r Kră Yang tơtă.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.