Jang 7:44 - Sơ̆p Hlabơar Nơ̆r 'Bok Kei-Dei

⁴⁴ 'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

Jang 7:44 Iomraidhean Croise

I Ho 28:11

Đawit pơjao ăn kơ Sôlômôn kon drŏ-nglo sư, hla bơar rup chhơ̆ tơ'bôh anih trong lăm hnam Kră Yang 'Bok Kei-Dei, hnam tah tơmam, anih tơ kơpal, anih lăm hnam Kră Yang 'Bok Kei-Dei păng anih rơgoh hloh.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

II Ho 24:6

Pơtao krao Jêhôiada 'bok soi tơm păng khan: “Yua kơ kiơ ih ưh kơ pơkă kơ lu bơngai Lêwi chĕp ba jên lu bơngai Juđa păng lu bơngai oei lăm pơlei Jêrusalem ra ăn kiơ̆ kơ Môis đĭch đam Kră Yang 'Bok Kei-Dei mă đei pơkă boih hăm lu kon pơlei Isơrael athei pơyơ̆r ăn kơ Bơsŭn Roi Tơbăt?”

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Le 26:30

Ih athei pơm Bơsŭn Anih Akŭm nhen thoi Inh tơ'bôh ăn kơ ih tơ kơpal kông 'noh.

Le 27:8

Chơnang soi pơm păng tơ̆r, pơm đei lăm tŏk-bŏk, pơm nhen thoi Inh bơtho tơ'bôh kơ ih tơ kơpal kông 'noh.

Le 38:21

'Nâu đe jô̆ tơmam yua lăm pơm Bơsŭn Anih Akŭm, anih mă tah 'bar hlak tơmo chih mơjĭt khôi juăt kiơ̆ thoi Môis pơkă kơ bơngai Lêwi bơwei, chih răk đĭ-đăng 'nâu đơ̆ng Ithamar kon drŏ-nglo 'bok soi tơm Arôn pơgơ̆r.

Jo 10:11

Lăm sơnăm mă 'bar, khei 'bar, năr 'bar-jĭt, hơmơ̆l đông đơ̆ng bơbŭng Bơsŭn Anih Akŭm roi tơbăt.

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 9:15

Lăm năr đei pơdơ̆ng tơiung Bơsŭn Anih Akŭm đei hơmơ̆l gom Bơsŭn noh, Bơsŭn Tơdrong Tơbăt; đơ̆ng drơ̆m kơsơ̆ đei ŭnh kơpal Bơsŭn Anih Akŭm dĭng truh pơgê dơning.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Jôsuê 3:14

Lăp kon pơlei yuih bơsŭn lu sư wă yak tŏk găn đak Krong Jôrđăn, lu 'bok soi tung Hom Pơgơ̆p Kră Yang năm adrol kơ kon pơlei.