Jang 7:35 - Sơ̆p Hlabơar Nơ̆r 'Bok Kei-Dei

³⁵ Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.

Jang 7:35 Iomraidhean Croise

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Le 14:19

Linh jang 'lơ̆ng Kră Yang 'Bok Kei-Dei oei năm adrol kơ lu kon pơlei Isơrael kơplah noh păng hơlơ̆k yak kiơ̆ đơ̆ng rŏng lu sư; na jrăng hơmơ̆l kư̆m năm đơ̆ng rŏng kơ kon pơlei;

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

Markôs 12:26

Tơdrong kon bơngai iung arih đơ̆ng lôch, iĕm kư̆m đŏk lăng boih lăm sơ̆p hla bơar tơdrong juăt Môis chih, sư roi tơdrong 'Bok Kei-Dei pơma kơ sư tơ tơm 'long ŭnh sa. 'Bok Kei-Dei khan kơ sư: ‘Inh boih Kră Yang Abraham, Kră Yang wei-lăng Isăk, Kră Yang wei-lăng Jakôp.’ ”

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Yo 18:40

Lu sư pơma 'bơ̆r re khan: “Ưh ôh, ưh kơ bơngai 'noh. Tơlĕch ăn kơ nhôn 'Barra'ba.” 'Barra'ba 'noh yŏng bơngai tơtông tơgar.

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Jang 2:36

Inh wă kơ đĭ-đăng bơngai Isơrael băt mă nhên: Yêsu mă iĕm pơ̆ng pơlôch tơ 'long pơglang, Sư boih 'Bok Kei-Dei ăn pơm Yŏng bơ̆n păng 'Bok Krist mă pơgơ̆r bơ̆n kư̆m Sư mơ̆n.”

Jang 3:22

Thoi Môis khan sơ̆: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n. Iĕm athei chu mơ̆ng dôm nơ̆r Sư pơma kơ iĕm.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Jang 7:30

“Môis oei tơ ei puăn-jĭt sơnăm. Đơ̆ng rŏng kơ sư oei tơ ei puăn-jĭt sơnăm, truh tơ minh năr dơ̆ng sư năm tơ char glă jê̆ kông Sinai. Minh 'nu linh jang 'lơ̆ng đơ̆ng 'Bok Kei-Dei năm tơ 'long jê̆ Môis ei pơm kơ ŭnh sa 'long ei.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Hêbrơ 2:2

Sơ̆ linh jang tơbăt ăn kơ Môis tơdrong juăt kơjăp dêh, na tôm tơdrong yoch kon bơngai pơm mă tih mă iĕ đei tơdrong phak ngăl. Đe phak kiơ̆ kơ tơdrong yoch sư pơm tih dah iĕ.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.