Jang 7:26 - Sơ̆p Hlabơar Nơ̆r 'Bok Kei-Dei

²⁶ Năr dơning dơ̆ng Môis sư 'bôh 'bar 'nu bôl sư tơteh dih băl. Na sư năm găn bre ei păng khan thoi âu: ‘Ơ bre âu, biĕm 'nhŏng oh dah ưh na kơlih tơdrong kiơ biĕm tơteh dih băl?’

Jang 7:26 Iomraidhean Croise

Bl 13:8

Abram khan kơ Lot thoi âu: “Oei pôm hơtô hơrao hơnao, kăt apinh ba 'nĕ pă pơjah băl; lu bơngai wei triu ba hai kư̆m 'nĕ pă tơgar băl.

Bl 45:24

Thoi noh, Jôsep ăn kơ đe 'nhŏng oh sư yak brŏk. Pơkă dơ̆ng kơ lu sư: Apinh lu iĕm 'nĕ kơ tơhil băl rok trong.

Horiso 133:1

Ơ lăng deh 'lơ̆ng hơiă tơpă 'nhŏng oh oei sa hiôk pơgơ̆p băl.

Tơdrông Pơđơk 18:19

Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

Mathiơ 14:22

Klaih kơ noh Yêsu athei lu bơngai pơhrăm păng Sư hao thŏng-nan rai tŏk gô pah to đak dơsĭ Galilê păng Sư athei hloi lu bơngai tơpôl noh brŏk tơ anih hnam lu sư kơdih kơdih.

Jang 7:25

Na Môis ngêh kơ đĭ-đăng lu bôl sư băt kơ 'Bok Kei-Dei wă ăn Môis tơiung pơklaih rơngei lu sư đơ̆ng dêh đe Êyiptơ ning-mônh mă-lei lu bôl sư ưh kơ băt.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.