Jang 7:2 - Sơ̆p Hlabơar Nơ̆r 'Bok Kei-Dei

² 'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Jang 7:2 Iomraidhean Croise

Bl 11:31

Thêra chông ba Abram, kon drŏ-nglo sư, Lot kon drŏ-nglo Haran, sâu sư păng Sarai akăn Abram, mŏ mai sư, lĕch đơ̆ng Ur, lăm dêh Kalđê, na năm tơ char Kanaan kơplah lu sư truh tơ pơlei Charan sư pơjing hnam dơnŏ bơ̆jang sa tơ noh.

Bl 12:1

Âu, Kră Yang đei khan kơ Abram thoi âu: “Ih athei lĕch đơ̆ng dêh char âu, tơklah đơ̆ng hnam dơnŏ păng 'nhŏng oh mĕ 'bă ih, na năm tơ dêh char mă Inh gô tơ'bôh kơ ih.

Bl 12:5

Abram chông ba Sarai, akăn sư, Lot mon sư păng đĭ-đăng lu mŭk tơmam sư đei hơmet ba păng lu đĭch đam sư mă đei đơ̆ng Charan, lĕch đơ̆ng noh, lu sư năm truh tơ dêh Kanaan.

Bl 15:7

Kră Yang 'Bok Kei-Dei khan dơ̆ng kơ Abram thoi âu: “Inh jơ̆ Kră Yang, Kră Yang mă chông anhăk ih đơ̆ng Ur, lăm char Kalđê, gô ăn kơ ih char âu jang sa.”

Bl 29:4

Jakôp jet lu bơngai wei triu. Ơ Lu đe 'nhŏng, lu iĕm đơ̆ng yơ? Lu sư tơl thoi âu: Nhôn đơ̆ng Charan.

Ne 9:7

Ơ! Kră Yang Ih Kră Yang 'Bok Kei-Dei mă đei rơih iŏk Abram, chông sư lĕch đơ̆ng Ur kon pơlei Kalđê păng krao anăn sư Abraham.

Horiso 24:10

Pơtao ư-ang âu bu? Noh boih Kră Yang Tih Hloh. Sư boih pơtao ư-ang mơsêh mơyang Tih Hloh lăm anih tơblah. Sêla

Horiso 24:7

Ơ lu 'măng jang hiŏng kơ̆l ih bĕ! Ơ lu 'măng mă oei oei ling-lang, pơih kơjung bĕ! Na pơtao ư-ang gô mơ̆t,

Horiso 29:3

Nơ̆r Kră Yang ư-ang jơ̆p tơ kơpal đak. Kră Yang Kră Yang 'Bok Kei-Dei nơ̆r Sư pơma re jur thoi grơ̆m glaih.

Êsai 37:12

Lu yang, lu teh đak mă 'bok yă inh đei pơrăm lê̆ đĭ bơih, lu yang char Gôsan, pơlei Haran, Rêsep păng lu kon pơlei Êđen oei tơ pơlei Têl Asar hăm gơh pơklaih lu sư ưh?

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 12:41

Êsai khan thoi noh kơlih kơ 'Bok Kei-Dei tơ'bôh kơ sư 'Bok Krist sơ̆, Sư 'lơ̆ng rŏ tơpă, na Êsai chih roi tơdrong 'Bok Krist.

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 23:7

Lăp lu bơngai khŭl Pharisi păng lu bơngai khŭl Sađusê kơtơ̆ng Pôl pơma thoi noh, na lu sư pơjah dih băl hloi, ưh pă pôm đon ôh.

Jang 7:1

'Bok soi tơm jet Êtien: “Hăm trŏ kơ ih pơm thoi noh tơpă dah ưh?”

I Kor 2:8

Tơdrong 'noh lu bơngai pơgơ̆r ala teh âu lu sư ưh kơ đei bu băt; dah lu sư băt sơ̆ lei lu sư ưh kơ pơ̆ng pơlôch Kră Yang mơsêh tih-tin tơ 'long pơglang ôh.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.

Ya 2:1

Ơ lu 'nhŏng oh inh, iĕm lui boih kơ Kră Yang Yêsu Krist, Kră Yang mơsêh mơyang lu bơ̆n, iĕm 'nĕ kơ lăng bơngai phara yua kơ sư mơdrŏng dah dơnuh hŏ.

Jôsuê 24:2

Jôsuê khan hăm đĭ-đăng kon pơlei: “Kră Yang 'Bok Kei-Dei Isơrael đei khan: ‘'Bok iĕm sơ̆ noh Tharê 'bă kơ Abraham păng Nakô, oei gah to Krong Tih păng bơ̆jang kơkuh kơ lu yang nai.

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”