Jang 6:9 - Sơ̆p Hlabơar Nơ̆r 'Bok Kei-Dei

⁹ Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.

Jang 6:9 Iomraidhean Croise

Mathiơ 10:17

Iĕm athei kơchăng, yua kơ đe gô rôp iĕm jao kơ lu kră sek tơlang păng tôn teh iĕm tơ hnam akŭm đe Juđê.

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Mathiơ 27:32

Đei minh 'nu bơngai anăn sư Simôn đơ̆ng Pơlei Siren. Sư năm brih trong ei na lu linh pơgŏ sư tôi kơ Yêsu 'long pơglang.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Jang 11:20

Lăm lu bơngai lui ei đei bơngai đơ̆ng dêh Chiprơ păng bơngai Pơlei Siren lu sư khŭl Juđê, mă-lei lu sư năm bơtho tơdrong Kră Yang Yêsu kơ lu kon tơmoi ưh kơ khŭl sư tơ Pơlei Antiôs.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

Jang 15:41

Bre sư năm tơ dêh char Siri păng dêh char Salisia bơtho păng tơgŭm bơngai lui.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:24

Đei minh 'nu bơngai Juđê, anăn sư Apôlê. Mĕ sư tơpŭ kơ sư tơ Pơlei Aleksandrê. Sư bơngai 'bơ̆r đon bơtho hơgei tơpă păng hlôh đĭ dôm sơ̆p hla bơar 'Bok Kei-Dei.

Jang 19:10

Kơplah 'bar sơnăm sư bơtho tơ hnam trưng ei, na đĭ-đăng bơngai oei tơ dêh char Asi mă bơngai Juđê mă lu bơngai nai, kư̆m kơtơ̆ng tơdrong Kră Yang Yêsu mơ̆n.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 21:27

Lăp wă jê̆ tôm tơpơh năr giĕng ei boih, lu bơngai Juđê đơ̆ng dêh char Asi 'bôh Pôl lăm hnam akŭm 'Bok Kei-Dei tơm. Lu sư pơhlŭ lu kon pơlei pơla tơ ei hơdai hil kơ Pôl, na rôp Pôl hloi.

Jang 21:39

Pôl khan: “Ưh ôh. Inh bơngai Juđê đơ̆ng Pơlei Tarsơ lăm dêh char Salisia. Pơlei Tarsơ kư̆m tih mơ̆n. Apinh ih asong inh pơma kơ lu kon pơlei pơla.”

Jang 22:19

Inh khan kơ Sư: ‘Ơ Kră Yang, inh tơchĕng lu sư kư̆m wă lui mơ̆n yua kơ lu sư băt boih kơ inh năm jơ̆p-jang tơ lu hnam akŭm sơ̆ rôp tah lu bơngai lui kơ Ih lăm hnam phak hăm teh lu sư.

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 23:34

'Bok kuan tih đŏk lăng kơthơ ei na jet Pôl: “Ih đơ̆ng dêh char ayơ?” Pôl khan: “Inh đơ̆ng dêh char Salisia.”

Jang 24:18

Inh năm tơ hnam akŭm 'Bok Kei-Dei tơm pơm kiơ̆ tơdrong juăt Môis wă kơ rơgoh hăm wă pơyơ̆r ăn kơ Kră Yang tơmam. Hơtai ei đei lu bơngai Juđê đơ̆ng dêh char Asi 'bôh inh lăm ei. Mă-lei ưh kơ đei bơngai lơ hơdai hăm inh ôh, kư̆m ưh kơ đei tơdrong areh dih băl.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 6:10

Lu sư klai yua kơ jei Êtien ngăl. Yua kơ Yang Bơhngol 'Lơ̆ng tơgŭm Êtien pơma hơgei, dôm nơ̆r lu sư pơma jei Êtien ngăl.

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

Galati 1:21

Đơ̆ng rŏng kơ inh hơpong kơ Pêtrôs noh na inh năm tơ dêh char Siri păng dêh char Salisia.