Jang 6:6 - Sơ̆p Hlabơar Nơ̆r 'Bok Kei-Dei

⁶ Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

Jang 6:6 Iomraidhean Croise

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Jo 8:10

Thoi noh, ih athei lu bơngai Lêwi dơ̆ng 'bơ̆t anăp Kră Yang na lu kon pơlei bơngai Isơrael gô dan ti lu sư pel akâu lu bơngai Lêwi.

Markôs 5:23

Sư apinh lung Yêsu khan: “Kon adruh inh wă jê̆ lôch. Apinh Ih năm chro ti pel akâu sư wă kơ sư klaih, huay kơ lôch.”

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Jang 13:3

Lu sư oei ơ̆t kơ por wă krao khan. Đơ̆ng 'noh lu sư pel kơ̆l bre sư, wơh hloi bre sư năm bơtho tơdrong 'Bok Kei-Dei. Bre 'Barna'ba păng Pôl năm bơtho tơ bŏl Chiprơ

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

Jang 9:12

Sôl sư apo 'bôh ih mơ̆t tơ sư pel kơ̆l sư wă kơ gơh 'bôh thoi đêl.”

Jang 9:17

Anania năm tơ Sôl, sư pel kơ̆l Sôl khan hloi: “Ơ 'nhŏng, Kră Yang Yêsu mă ih tơ'bơ̆p tơ trong hăm mơsêh mơyang Sư, Sư wơh inh năm tơ ih wă ăn kơ ih gơh 'bôh hơdah thoi đêl păng ăn kơ ih 'bĕnh kơ Yang Bơhngol 'Lơ̆ng.”

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

II Tim 1:6

Sơ̆ inh pel kơ̆l ih wă ăn kơ ih jang tơdrong 'Bok Kei-Dei. Đơ̆ng năr noh sơ̆ 'Bok Kei-Dei ăn kơ ih pran hơgei jang tơdrong Sư. Inh wă kơ ih oei 'blŏk hơdơ̆r kơ năr noh păng kư̆ gơnang kơ Sư na ih jang tơdrong Sư pran hơgei.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.