Jang 6:2 - Sơ̆p Hlabơar Nơ̆r 'Bok Kei-Dei

² Thoi noh na lu mơjĭt-'bar 'nu bơngai jơ̆ng 'bang Yêsu krao akŭm đĭ-đăng bơngai lui khan hloi: “Ơ lu 'nhŏng oh, nhôn ưh kơ wăn wă asong tơmam sa ôh, nhôn bơngai bơtho tơdrong 'Bok Kei-Dei đĕch.

Jang 6:2 Iomraidhean Croise

Ne 6:3

Inh wơh bơngai jang năm truh khan kơ lu sư thoi âu: Inh đei tơdrong jang kăl ưh kơ wăn năm, liơ mă inh gơh lê̆ tơdrong jang na jur năm tơ lu iĕm?

Jang 21:22

Na dang ei ih wă pơm thoi yơ? Rŏ kơnh dơning pă jor lu bơngai Juđê băt kơ ih truh tơ âu boih.

Jang 25:27

Lơliơ inh gơh athei bơngai bơnă năm tơ 'bok pơtao Rôm mă-lei ưh kơ đei chih tơdrong kiơ đe jâu sư.”

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

Jang 6:1

Hơtai ei đe lui kiơ̆ Yêsu rai lơ. Lu bơngai lui ei khŭl bơngai Juđê pơma nơ̆r Grĕk păng khŭl Juđê mơ̆n sư pơma nơ̆r Juđê, lu sư pơjah pơjăng dih băl. Na khŭl mă pơma nơ̆r Grĕk, lu sư khan kơ đe mă asong tơmam sa, khan rim năr lu bơngai yă adro gah khŭl sư, đe ăn tơmam sa ưh kơ mah.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.