Jang 6:14 - Sơ̆p Hlabơar Nơ̆r 'Bok Kei-Dei

¹⁴ Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Jang 6:14 Iomraidhean Croise

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Je 26:12

Jêrêmi tơl lu kră pơgơ̆r păng lu kon pơlei: “Noh jơ̆ đơ̆ng Kră Yang wơh athei inh năm roi khan lê̆ adrol kơ tơdrong wă pơm kơ hnam akŭm păng pơlei tih âu, mă iĕm đei kơtơ̆ng boih.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Mathiơ 26:61

iung pơma jâu Sư khan: “Bơngai âu Sư khan Sư gơh yuih hnam akŭm 'Bok Kei-Dei tơm, na pơm ming plơ̆ng dơ̆ng kơtĕch pêng năr keh hloi.”

Markôs 14:58

“Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Luka 21:6

Na Yêsu khan: “Iĕm 'bôh boih hnam akŭm tơm âu 'lơ̆ng rŏ mă-lei ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Yo 2:19

Yêsu khan hloi kơ lu sư thoi âu: “Lei iĕm jah yuih hnam akŭm âu bĕ na Inh gô pơm ming kơtĕch pêng năr keh hloi.”

Yo 4:21

Yêsu khan kơ sư: “Ơ duch, Inh wă khan kơ ih tơpă, ning-mônh đe huay pă năm kơkuh kơ 'Bă bơ̆n 'Bok Kei-Dei tơ kông âu dah tơ Pơlei Jêrusalem dơ̆ng boih.

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

Jang 25:8

Na Pôl pơma dŏng kơdih akâu thoi âu: “Inh ưh kơ pơm kơnê̆ kơ tơdrong juăt bơngai Juđê dah hnam akŭm 'Bok Kei-Dei tơm, dah lăm 'bok pơtao tơm Rôm ôh.”

Jang 26:3

Jơhngơ̆m inh chơt hiôk yua kơ ih băt đĭ lu tơdrong juăt bơngai Juđê hăm lu tơdrong sư pơjah dih băl, na ih gơh sek tơlang tơpăt tơdrong inh. Na inh apinh ih adrin mơ̆ng inh 'biơ̆ hŏ.

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Galati 3:23

Hơdrol kơ Yêsu Krist jur tơ ala teh âu sơ̆, đĭ-đăng kon bơngai bơ̆n ưh kơ kĕ kiơ̆ tơdrong juăt 'Bok Kei-Dei ôh, na kon bơngai bơ̆n trŏ kơ 'Bok Kei-Dei wă phak tơpă păng bơ̆n dang lĕ đe tah lăm hnam phak. Mă-lei lăp Yêsu Krist jur tơ ala teh âu sơ̆ bơ̆n klaih đĭ đơ̆ng tôm tơdrong yoch, yua kơ bơ̆n lui kơ Sư.