Jang 6:13 - Sơ̆p Hlabơar Nơ̆r 'Bok Kei-Dei

¹³ Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

Jang 6:13 Iomraidhean Croise

Horiso 27:12

'Nĕ jao inhb tơ lu ayăt kơ inh kiơ̆ thoi lu sư wă, Yua kơ nơ̆r pơm kơdranh hơlĕnh Păng lu bơngai trĕn wă pơm kơnê̆ kơ inh.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Horiso 56:5

Rim năr lu sư chă pơma hơlĕnh kơ nơ̆r inh,c dôm đon lu sư tơchĕng wă pơrăm inh.

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 25:8

Na Pôl pơma dŏng kơdih akâu thoi âu: “Inh ưh kơ pơm kơnê̆ kơ tơdrong juăt bơngai Juđê dah hnam akŭm 'Bok Kei-Dei tơm, dah lăm 'bok pơtao tơm Rôm ôh.”

Jang 6:11

Na lu sư năm khan kơ bôl sư na athei bôl sư chă roi kơ đe thoi âu: “Nhôn kơtơ̆ng Êtien pơma kơnê̆ kơ Môis păng 'Bok Kei-Dei.”

Jang 7:58

păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.

Hêbrơ 7:12

Tơ̆ng 'Bok Kei-Dei tơplih pôk 'bok soi 'nao, lei tơdrong juăt Sư pơkă sơ̆ Sư kư̆m athei tơplih.