Jang 5:5 - Sơ̆p Hlabơar Nơ̆r 'Bok Kei-Dei

⁵ Anania sư kơtơ̆ng Pêtrôs khan thoi noh, sư pơ̆k lôch hloi. Lu bơngai kơtơ̆ng tơdrong noh lu sư hli tơpă.

Jang 5:5 Iomraidhean Croise

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

I Ho 13:12

Lăm 'năr 'noh, Đawit hli kơ Kră Yang 'Bok Kei-Dei na apinh khan: “Lơliơ Inh gơh iŏk Hom Pơgơ̆p Kră Yang 'Bok Kei-Dei tơmơ̆t tơ hnam inh?”

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 64:9

Đĭ-đăng kon bơngai gô hli; Lu sư gô ră roi tơdrong Kră Yang 'Bok Kei-Dei pơm boih.

Je 5:14

Yua kơ thoi noh Kră Yang 'Bok Kei-Dei Tih Hloh khan: “Yua kơ lu sư pơma tơdrong noh, 'Nâu, Inh gô tah nơ̆r pơma Inh tơ lăm 'bơ̆r thoi ŭnh, kon pơlei âu thoi 'long ŭnh na ŭnh gô sa lu sư.”

Êsêkiên 11:13

Kơplah inh khan lê̆ adrol, Phêlatia kon drŏ-nglo Bênaia lôch; inh drap muh măt tơ teh păng krao ôr re: “Ơ, Kră Yang Tih Hloh, Ih wă pơlôch đĭ bơngai Isơrael mă oei arih dah kiơ?”

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

Jang 2:43

Đĭ-đăng bơngai tơring ei hli, yua kơ lu jơ̆ng 'bang pơm lơ tơdrong mơsêh chrơp.

Jang 5:13

Đe nai ưh kơ pơ̆n akŭm păng sư, mă-lei đe khan kơ sư bơngai 'lơ̆ng tơpă.

I Kor 4:21

Na iĕm wă kơ inh năm tơ iĕm thoi yơ? Iĕm wă kơ inh năm thoi bơngai chĕp sơnguĕt dah wă kơ inh năm thoi lĕ bơngai iŏk tơdrong 'mêm mơnat dih băl đĕch?

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Kor 13:2

Inh năm tơ iĕm 'măng mă 'bar ki, inh khan kơ lu bơngai pơm yoch hăm lu bơngai nai, mưh inh năm tơ iĕm pă 'măng 'bôh iĕm oei pơm yoch, inh ưh pă bơtho boih, inh tơlĕch lê̆ hloi; na mă inh oei krŭl đơ̆ng iĕm dang ei inh kư̆m khan kơ iĕm thoi noh mơ̆n.

II Kor 7:11

'Bok Kei-Dei pơm kơ iĕm băt kơ sơ'ngon akâu kơdih, wă kơ iĕm hưch hanh pơm tơdrong 'lơ̆ng tơdrong tơpăt; tơdrong akâu kơdih đêl pơm, wă kơ tơbral hli huay pă pơm dơ̆ng; dang ei iĕm hăt kơ pơm tơdrong tơpăt, iĕm dang phak boih bơngai yoch, iĕm kư̆m wă kơ tơ'bơ̆p nhôn dơ̆ng; tôm tơdrong iĕm sek tơlang bơngai yoch noh 'lơ̆ng boih.

Both 13:11

Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Jôsuê 22:20

Kơplah Akan kon drŏ-nglo Sêra, đei pơm yoch glăi kơ tơmam trŏ kơ pơrăm păng pơyơ̆r kơ Kră Yang na tơdrong truh đơ̆ng Kră Yang hil mĭl hăm trŏ 'bơm kơ tơpôl lăm Isơrael păng bơngai noh ưh kơ sĭ lôch hơdrô̆ yua kơ yoch sư kơdih!

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 11:5

Tơ̆ng bơngai bu wă pơrăm bre sư, bre sư tơlĕch ŭnh đơ̆ng 'bơ̆r bre sư, na ŭnh noh sa hloi bơngai mă wă pơrăm bre sư noh. Thoi noh tơ̆ng bu wă pơrăm bre sư, bơngai noh sư 'maih chă tơdrong lôch.