Jang 5:42 - Sơ̆p Hlabơar Nơ̆r 'Bok Kei-Dei

⁴² Rim năr sư oei bơtho Tơdrong 'Nao 'Lơ̆ng Yêsu Krist phŏ phŏ kơnh tơ hnam akŭm 'Bok Kei-Dei tơm, phŏ phŏ kơnh tơ hnam kơdih.

Jang 5:42 Iomraidhean Croise

II Sam 6:22

Wă kơ đe lăng inh jing bơngai lŭch hloh; inh gô tơjur akâu inh hloh kơ noh dơ̆ng, mă lu bơngai drŏ-kăn awih awăn gô jing pôk pơyom kơ inh hloh.

Luka 21:37

Rim năr lăm hơdôm năr noh Yêsu bơtho đe tơ hnam akŭm 'Bok Kei-Dei tơm đơ̆ng pơgê truh kơsơ̆. Tơ kơsơ̆ Sư brŏk 'bĭch tơ pơlei đe tơ kơpal kông Ôliwơ.

Luka 22:53

Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Jang 11:20

Lăm lu bơngai lui ei đei bơngai đơ̆ng dêh Chiprơ păng bơngai Pơlei Siren lu sư khŭl Juđê, mă-lei lu sư năm bơtho tơdrong Kră Yang Yêsu kơ lu kon tơmoi ưh kơ khŭl sư tơ Pơlei Antiôs.

Jang 13:32

Nhi năm tơ âu wă bơtho ăn kơ iĕm Tơdrong 'Nao 'Lơ̆ng. Tơdrong 'Bok Kei-Dei pơkă kơ lu kơdră bơ̆n sơ̆ khan wă ăn Kon Sư pơgơ̆r bơ̆n, dang ei Sư ăn kơ lu bơ̆n kon sâu lu sư 'bôh tơdrong noh boih. Truh boih tơdrong noh yua kơ Sư tơiung arih Yêsu đơ̆ng lôch. 'Noh thoi đe chih lăm sơ̆p hla bơar Tơdrong Hơriso, Tơdrong Hơri mă 'bar: 'Bok Kei-Dei khan: ‘Ih boih Kon Inh, đơ̆ng năr âu Inh wă ăn kơ Ih pơgơ̆r.’

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Jang 4:29

Dang ei ơ Kră Yang 'Bok Kei-Dei, lu sư oei hil kơ nhôn khă nhôn bơtho tơdrong Yêsu; na dang ei nhôn apinh Ih tơgŭm lu nhôn đĭch đam Ih, wă kơ nhôn nuih chă bơtho nơ̆r Ih kơ kon bơngai.

Jang 8:35

Na Philip khan kơ sư: “Tơdrong ba đŏk 'noh hei, Êsai khan lê̆ hơdrol gah tơdrong Yêsu.” Na đơ̆ng noh Philip bơtho sư tôm tơdrong Yêsu.

Jang 8:5

Hơtai ei Philip năm tơ Pơlei Samari, bơtho gah tơdrong Yêsu. Sư khan: “Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

I Kor 2:2

Kơplah noh sơ̆ inh bơtho iĕm gah tơdrong Yêsu đĕch păng gah tơdrong Sư lôch tơ 'long pơglang, ưh kơ đei tơdrong nai ôh.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.