Jang 5:34 - Sơ̆p Hlabơar Nơ̆r 'Bok Kei-Dei

³⁴ Mă-lei đei minh 'nu bơngai kơdră sek tơlang iung pơma. Sư bơngai khŭl đe Pharisi, anăn sư Gemel. Sư bơngai bơtho tơdrong juăt Juđê păng đĭ-đăng bơngai ư-ang kơ sư. Sư athei bơngai gak tơlĕch lu jơ̆ng 'bang Yêsu tơ 'ngoaih tŏ sĕt.

Jang 5:34 Iomraidhean Croise

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Je 26:17

Đei lu mơ'nah lăm lu kră wei-lăng lăm char ei kư̆m iung pơma khan kơ đĭ-đăng tơpôl mă oei akŭm băl.

Je 36:25

Mă khan Êlnathan, Đêlaia păng Gêmaria apinh lung ră 'nĕ kơ soh sơnôm hla bơar noh mă-lei pơtao ưh kơ mơ̆ng.

Luka 2:46

Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.

Luka 5:17

Minh năr ei Yêsu oei bơtho đe na đei lu bơngai Juđê mă lui kơ 'Bok Kei-Dei kiơ̆ tơdrong Pharisi păng lu 'bok thây bơtho tơdrong juăt đe Juđê oei mơ̆ng Sư. Lu sư năm đơ̆ng rim pơlei lăm dêh Galilê păng lăm dêh Juđê păng đơ̆ng Pơlei Jêrusalem mơ̆n. Na Yêsu đei tơdrong mơsêh mơyang đơ̆ng 'Bok Kei-Dei gơh pơklaih bơngai jĭ jăn.

Yo 3:10

Yêsu khan dơ̆ng kơ sư: “Liơ lu bơngai Juđê pôk ih thây bơtho lu sư boih mă ih ưh kơ hlôh tơdrong noh?

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 4:15

Na lu sư athei đe tơlĕch bre Pêtrôs păng Yôhan tơ 'ngoaih tŏ sĕt đĕch yua kơ lu sư wă pơđâu tơdrong noh kơdrô̆ lu sư.

Jang 5:21

Lu sư kơtơ̆ng thoi noh na 'năr lĕch pơgê dơning sư năm bơtho tơ hnam akŭm 'Bok Kei-Dei tơm thoi đêl. 'Bok soi tơm păng lu bôl sư năm truh tơ hnam sư akŭm. Sư krao lu kră sek tơlang păng khŭl lu kră dêh Juđê. Đơ̆ng noh lu sư wơh linh năm ba lu bơngai phak tơ lu kră sek tơlang ră.

Jang 5:27

Lu linh ei anhăk ba lu jơ̆ng 'bang Yêsu truh 'bơ̆t anăp lu kră sek tơlang. 'Bok soi tơm khan kơ lu jơ̆ng 'bang Yêsu:

Jang 5:35

Klaih kơ noh sư khan thoi âu: “Ơ 'nhŏng oh bơngai Isơrael, iĕm sek tơlang lu bơngai âu iĕm kơchăng bĕ.