Jang 5:32 - Sơ̆p Hlabơar Nơ̆r 'Bok Kei-Dei

³² Nhôn 'bôh tơpă lu tơdrong noh na roi kơ iĕm. Yang Bơhngol 'Lơ̆ng kư̆m tơbăt ăn kơ nhôn tơdrong noh mơ̆n yua kơ 'Bok Kei-Dei ăn Yang Bơhngol 'Lơ̆ng kơ đĭ-đăng bơngai chu lui kơ Sư.”

Jang 5:32 Iomraidhean Croise

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 10:44

Kơplah Pêtrôs oei pơma na Yang Bơhngol 'Lơ̆ng jur oei tơ rim 'nu lu bơngai mă mơ̆ng nơ̆r Sư bơtho.

Jang 13:31

Na Yêsu tơ'bôh akâu Sư tơ lu buăl Sư đunh năr mơ̆n. Lu buăl Sư ei năm hơdai juăt păng Yêsu ling-lang hơdrol kơ Sư tam mă lôch sơ̆, đơ̆ng dêh char Galilê truh tơ Pơlei Jêrusalem. Na dang ei lu buăl Sư ei bơtho tơdrong Yêsu kơ lu bơngai Isơrael.

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 2:32

“Bơngai Yêsu mă nhôn bơtho âu, 'Bok Kei-Dei tơiung arih Sư đơ̆ng lôch boih. Nhôn 'bôh Sư iung arih tơpă.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

Rom 8:16

Yang Bơhngol 'Lơ̆ng, Sư oei lăm bơ̆n, Sư tơbăt ăn kơ bơ̆n hlôh gah tơdrong bơ̆n jing kon 'Bok Kei-Dei tơpă.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.