Jang 5:3 - Sơ̆p Hlabơar Nơ̆r 'Bok Kei-Dei

^3-4 Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Jang 5:3 Iomraidhean Croise

Jop 22:13

Na ih khan: “Kră Yang 'Bok Kei-Dei băt kiơ đăi? Liơ Kră Yang sek tơlang gơh 'bôh lăm măng mu hơ'bơ̆l 'noh?

Tơdrông Pơđơk 20:25

Pơm hơđong kơ bơngai bu mă pơkă wă pơyơ̆r tơmam kiơ hăt hot. Đơ̆ng rŏng kơ pơkă na mă tơchĕng lăng.

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Hôsia 11:12

Lu bơngai Êphraim hơlĕnh kơ Inh lu kon pơlei Isơrael pơm plơ̆ plĕch. Mă-lei lu bơngai Juđa oei kiơ̆ Kră Yang 'Bok Kei-Dei, oei kiơ̆ Tơ'ngla 'lơ̆ng rơgoh tơpă sĭt.

Jo 30:2

Tơdah đei minh 'nu bơngai drŏ-nglo wă pơkă pơkăm hăm Kră Yang tơdrong kiơ sư athei pơm mă keh nơ̆r đêl pơkăm noh.

Mathiơ 13:19

Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Luka 22:3

Kơplah noh yang Satan mơ̆t lăm jơhngơ̆m Juđa mă đe kư̆m anăn Ikariôt, bơngai minh 'nu đơ̆ng lăm mơjĭt-'bar 'nu bơngai pơhrăm păng Yêsu.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 13:27

Lăp Juđa iŏk 'bĕng mi ei yang Satan mơ̆t lăm jơhngơ̆m sư hloi. Na Yêsu khan kơ Juđa: “Ih jah năm wăi, na ih jah pơm tơdrong ih wă pơm.”

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

Both 23:21

Mưh lu iĕm pơkă pơkăm hăm Kră Yang 'Bok Kei-Dei iĕm, 'nĕ kơ pơhiơ̆ gô đunh, athei pơm pơkeh hloi, yua kơ Kră Yang 'Bok Kei-Dei lu iĕm athei iĕm pơm pơkeh tơdrong iĕm pơkă pơkăm ei; dah iĕm ưh kơ pơm pơkeh hloi, lei iĕm gô pŭ tơdrong yoch.

Ya 4:7

Thoi noh na iĕm athei chu yom kơ 'Bok Kei-Dei, apinh 'Bok Kei-Dei pơpuh yang Satan yŏng pơgơ̆r yang kơnê̆, 'nĕ ăn oei jê̆ iĕm, na yang Satan ưh kơ pơ̆n oei jê̆ iĕm, jăk hloi tơ nai.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.