Jang 5:29 - Sơ̆p Hlabơar Nơ̆r 'Bok Kei-Dei

²⁹ Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

Jang 5:29 Iomraidhean Croise

Bl 3:17

Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

II Sam 24:4

Lei ră nơ̆r pơtao pơkă, ưh kơ đei tơplih, na Jôap păng lu yŏng linh, khŏm athei năm jô̆ kơ̆l kon bơngai jơ̆p kơ teh đak Isơrael.

II Pot 16:16

'Bok soi Uria pơm kiơ̆ dôm tơdrong đêl pơtao Ahas bơtho sư.

Le 1:17

Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Je 26:12

Jêrêmi tơl lu kră pơgơ̆r păng lu kon pơlei: “Noh jơ̆ đơ̆ng Kră Yang wơh athei inh năm roi khan lê̆ adrol kơ tơdrong wă pơm kơ hnam akŭm păng pơlei tih âu, mă iĕm đei kơtơ̆ng boih.

Da 6:13

Lu sư tơl păng khan kơ pơtao thoi âu: Đaniel minh 'nu lăm lu kon sâu Juđa mă pơm đĭch, sư ưh kơ wă mơ̆ng, ưh kơ wă pơyom kơ pơtao hơya tŏ sĕt, ơ pơtao, mă truh tơdrong pơtao pơkơ̆m păng kĭ anăn boih ră, mă-lei sư kư̆ oei krao khan rim năr pêng wơ̆t.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.